• ڇا توھان کان سنڌ سلامت جو پاسورڊ وسري ويو آھي..؟
    ھيٺ ڏنل بٽڻ تي ڪلڪ ڪري پنھنجي اي ميل واٽس ايپ ذريعي موڪليو. .انتظامي رڪن توھان جي پاسورڊ کي ري سيٽ ڪري توھان کي اطلاع موڪليندا. لک لائق..!

    واٽس ايپ ذريعي

ڪجه بيتن جي اوت

ڪجه بيت اندر جي اوت
_______________________________
رات به منهنجي روح ۾ رهين سڪ سار ٿي
ڏينهن به تنهنجي ڏيک سان سڄو ونهنوار ٿي
ساعت سڀ پيار ٿي امنگون عرضي آتشي.....

صبح جي صبا اکين ۾ تون اسرار
دوست مٺا دلدار تنهنجي سار ساه کي ....

پکيئڙا اڏامي هليا هوته ولر
ور ور لائين واٽ تي هوائون هر هر
جنبش ۾ جهنگ جهر آهي جن جي جوت سان

هو ڪنگ هو ڪانءُ هو ڳيرو هو هيڙهو
هو تراين ۾ تري نيرڳ نانءُ ڇڙو
هو مور به آهي کڙو رونق ٿر جي راه ۾

پکيڙا جيءَ جوڳيئڙا سيلاني سفير
گهمن گوندر پب جا اوتارا اڪير
سي فڪر ۾ فقير وطن جن وجود ۾ .....


رسول بخش دائودپوٽه
 
Back
Top