ورلڊ ڪپ ڪرڪيٽ 2015 جو شاندار آغاز.. ميزبان نيوزيلينڊ ۽ آسٽريليا افتتاحي ميچز ۾ ڪامياب

ورلڊ ڪپ جو آغازميزبان نيوزلينڊ جي شاندار فتح سان ٿيو.. ميزبان نيوزلينڊ هن مقابلي ۾ هر شعبي ۾ پنهنجي بالادستي ثابت ڪئي.. هيگلي اوول ڪرائسٽ چرچ ۾ جهڙالو ڏسي سريلنڪا جي ڪپتان اينلو ميٿيوز پهريان بالنگ ڪرڻ جو فيصلو ڪيو.. پر بالر ڪو فائدو نه وٺي سگهيا جو نيوزيلينڊ 331 جو اصل جبل جيڏو اسڪور ٺاهي ورتو.. ۽ موٽ ۾ سريلنڪا رڳو 223 رنز تائين ئي پهچي سگهيو...
نيوزلينڊ طرفان بريڊن ميڪ ڪولم 49 بالن ۾ 65 رنز سان ٺاهيون ۽ اوپننگ ۾ مارٽن گپٽل سان گڏجي 111 رنسون ٺاهيون.. جنهن 62 بالن ۾ 49 رنسون ٺاهيون..
جنهن کان وليم سن پنهنجي شاندار فارم جاري رکندي 65 بالن ۾ پنجن چوڪن ۽ هڪ 250 لک جي ڇڪي جي مدد سان 57 رنسون ٺاهيون..
پر اصل تباهي آندي ته ڪوري اينڊرسن جنهن 46 بالن ۾ 75 رنسن جي انڌوڪار اننگ کيڏندي اسڪور 300 کان به ٽاپئي ڇڏيو..
سريلنڪا جو ڪي بالر ۽ ورلڊ ڪپن ۾ ٻه هيٽرڪس ڪندڙ لاسٿ ملنگا 10 اوورز ۾ بدترين 84 رنسون ڏنيون..
موٽ ۾ سريلنڪا ٿريماني جي 65 رنس جي ئي ڪوشش ڪري سگهيو.. سنگاڪارا مان اميدون گهڻيون هيون پر سندس طرفان 39 رنز کان پوءِ سڀ اميدون ختم ٿي چڪيون...
سريلنڪا جي تباهي ۾ اينڊرسن بالنگ ڪندي ئي به خوب هٿ شامل ڪيا.. جنهن رڳو 18 رنسون ڏئي 2 وڪيٽون ورتيون .. سندس اهڙي آل رائونڊ ڪارڪردگي تي کيس مين آف دي ميچ جو ايوارڊ مليو..

​

 

آسٽريليا جي اوچي اڏام.. انگلينڊ هڪ دفعو وري ناڪام..
ميلبورن جي ڪرڪيٽ گرائونڊ ۾ افتتاحي ملاکڙو ڏسڻ لاءِ 84 هزار تماشائي لٿل هئا.. ۽ ٿيو وري به ائين جيئن ڪرائسٽ چرچ ۾ ٽاس کٽي سريلنڪا کي ڪو فائدو نه ٿيو بلڪل ان طرح انگلينڊ به پهريان بالنگ ڪري ڪجهه حاصل ڪري نه سگهيو..
آسٽريليا باصلاحيت بيٽس مين آرون فنچ جي 135 رنز جي ڌماڪيدار اننگ ۽ ان کان پوءِ ميڪس ويل ۽ جارج بيلي جي ففٽيز ڪري 9 وڪيٽن تي بممممم اسڪور 342 ٺاهي ورتو.. جنهن جي دٻاء ۾ انگلينڊ 231 تائين محدود رهندي 98 ر111 رنسن تائين مقابلو هارائي ورتو..
ميچ جي دلچسپ ڳالهه آسٽريليا جي اننگ جي آخري اوور جي آخري ٽنهي بالن تي لڳاتار اسٽيون فن، هيڊن ميڪس ويل ۽ جانسن کي آئوٽ ڪري هيٽ ٽرڪ ڪرڻ هئي.. ان کان علاوه اننگ جي 42 هين اوور ۾ جوش هيزل ووڊ جي جيمز ٽيلر جي خلاف هڪ زوردار اپيل تي امپائر عليم ڊار آڱر اڀي ڪري آئوٽ ڏيڻ هو.. ان وقت هو 98 رنز تي کيڏي رهيو هو.. امپائر جي ان فيصلي خلاف ريويو وٺڻ جو فيصلو ٿيو جنهن سان ثابت ٿيو ته بال ليگ اسٽمپ کي ڇهڻ بنا نڪري وڃي ها.. جنهن ڪري ناٽ آئوٽ جو فيصلو آيو پر عين ان وقت آسٽريليا مطالبو ڪيو ته ٻئي ڪناري تي جيمز اينڊرسن کي ڪريز ۾ پهچڻ کان اڳ ئي رن آئوٽ ڪيو ويو هو.. ري پلي مان ظاهر ٿيو ته گلين ميڪس ويل جو ٿرو سڌو سئون وڪيٽ تي لڳو هو.. ان وقت اينڊرس ڪريز کان ٻاهر هو.. هتي امپائر هڪ انتهائي غلط فيصلو ڪيو .. ۽ اينڊرسن کي رن آئوٽ ڏئي ڇڏيو.. جنهن ڪري ٽيلر پنهنجي پهرين ون ڊي سينچري ٺاهڻ کان به رهجي ويو..
آسٽريليا جي 111 رنز جي فتح هڪ طرف پر آخري بال تي آئوٽ ٿيڻ واري فيصلي هڪ نئين جهيڙي کي پيدا ڪيو.. جنهن جو پڙاڏو آئنده ڪيترن ئي ڏينهن تائين ٻڌڻ ۾ رهندو..
جيمز ٽيلر 90 بالن تي 11 چوڪن ۽ ٻن ڇڪن جي مدد سان 98 رنز سان مايوس واپس وريو ڇو ته کيس خبر هئي ته قانونن اينڊرسن آئوٽ نه هو.. ۽ اها ڳالهه آئي سي سي جي پليئنگ ڪنٽرول ٽيم (پي سي ٽي) پڻ انگلينڊ انتظاميه جي سامهون قبول ڪئي ته آخري بال تهي ڏنل آئوٽ غلط هو.. ان معاملي ۾ امپائر کان وڏي غلطي ٿي.. فيصلي تي نظرِ ثاني نظام (ڊي آر ايس) جي قانونن مطابق .. جڏهن ايمپائر جيمز ٽيلر کي آئوٽ ڏنو هو ته ان سان گڏ ئي بال “ڊيد” ٿي چڪو هو.. يعني ان کان پوءِ ٻيو ڪو آئوٽ ٿيڻ توڙي جو رن آئوٽ ڇو نه هو .. ممڪن نه هو...

​

 

سريلنڪا جو آغاز تمام سٺو هيو ... پر جديجا ۽ سنگارا جي وڪيٽن کيس نقصان ڏنو .

آسٽريليا ۽ نيوزيلينڊ جون ٽيمون هن دفعي ورلڊ ڪپ جو فيوريٽ ٽيمون آهن. هي ٻئي ميچون هڪ پاسي رهيون ۽ پهريان بيٽنگ ڪندڙ ٽيمن نه صرف 300 کان مٿي اسڪور ڪيو پر انهن جو پاسو به ڳرو رهيو ۽ ميچ آساني سان کٽي ويون.