فوج جو سربراهه جنرل راحيل شريف چوي ٿو ته سنڌ سرڪار خصي آهي

[محمد خان سيال]

تازو وزيراعظم نواز شريف ڪراچيءَ ۾ اعلى سطحي گڏجاڻي ڪئي جنهن ۾ فوج جي سربراهه جنرل راحيل شريف، اڳوڻي صدر آصف علي زرداري ، سنڌ جي وڏي وزير سيد قائم علي شاهه به شريڪ ٿيا ـ

فيس بوڪ تي ٽي وي اينڪر شاهد مسعود جي وڊيو لڳائي وئي آهي جنهن موجب جنرل راحيل شريف سنڌ سرڪار کي نا اهل، نالائق، بدعنوان، امن امان قائم ڪرڻ لاِءِ ناڪام، ادارن ۾ سياسي مداخلت جي ذميدار، سنڌ اندر سياسي پارٽين طرفان ڪرمنلس جي سرپرستي ڪرڻ ۽ سڀ کان وڏي ڳالهه ته سنڌ سرڪار کي امپوٽينٽ (خصي يا معذور) ڪوٺيو جنهن تي آصف زرداري توڙي قائم علي شاهه چپن تي چن لائي ماٺ ۾ ويٺا رهيا ۽ انهن اکر به ڪونه ڪڇيو ڇاڪاڻ ته اينڪر جي چواڻي نواز شريف کين چيو هو ته مامري وڌڻ جي صورت ۾ ممڪن آهي ته صدر پاڪستان ملڪ ۾ ايمرجنسي لاڳو ڪري، سنڌ اندر گورنر راڄ لاڳو ڪندو ـ

مون اڳ به ڪيترا ڀيرا پوسٽنگ ڪئي آهي ته پ پ پ جي سيد قائم علي شاهه جي نگرانيءَ ۾ هلندڙ سنڌ سرڪار ون يونٽ ٽٽڻ کانپوءِ هيلتائين قائم ٿيندر سڀني حڪومتن ۾ سڀ کان نا اهل ۽ ڪرپٽ آهي ـ

اوهان جو ڇا خيال آهي ته سنڌ اندر گورنر راڄ لاڳو ٿيڻ گھرجي ۽ جنرل شريف جي تبصري ۾ ڪيتري سچائي آهي؟ پنهنجي راءِ کان آگاهه ڪندا ته مهرباني ـ

 

[مظفر]

بلڪل ڪرپشن جي انتها آهي .هاڻي صرف سنڌ اسيمبلي کان ڪرپشن هڪ جائز ۽ ضروري عمل آهي جو بل پاس ڪرائڻ رهجي ويو آهي.

 

[محمد نويد جمالي]

گورنر راڄ لاڳو ٿيڻ سان ڪهڙو فرق پوندو؟ گورنر ته ايم ڪيو ايم جو ماڻهو آهي، انهي کي جيڪو وڻي ٿو سو ڪري ٿو، گورنر سنڌ ته هينئر به اسان جي وزير اعليٰ کان وڌيڪ اختيار رکي ٿو... اگر گورنر راڄ لاڳو ٿيڻ سان فرق پئي ها اسلم رئيساڻي جي حڪومت مٿان به گورنر راڄ لڳو هو. ڪو فرق پيو؟؟؟

 

[سليمان وساڻ]

جهڙو گورنر آهي اهڙا وري وزير ۽ وزير اعلى .... سنڌ هڪ اهڙي دور مان گذري پئي جنهن ۾ اڪثر سياستدان ۽ خاص ڪري پارليامينٽرينز ڪرپٽ آهن. ڪابه حڪومت اچي، اها پ پ پ جي هجي يا ايم ڪيو ايم، فنڪشنل يا ن ليگ جي .... سنڌ ۽ سنڌي عوام جي مفاد ۾ نالي ماتر ڪم ڪن ٿا. سنڌ هڪ اهڙي ڌٻڻ ۾ ڦاٿل آهي جتي حڪومت ۾ موجود وزير ته نا اهل ۽ ڪرپٽ آهن ئي پر انهن کان وڌيڪ تباهي انتظامي آفيسرن به ڏني آهي ۽ هاڻي انتها ته اها آهي جو گهڻي ڀاڱي سڀ آفيسر وزيرن يا پارليامينٽرينز جا عزيز يا رشتيدار آهن .... پوء عوام لاء ڇا ٿيندو اهو سمجهي سگهو ٿا.

اسان لاء گورنر راڄ به ڪنهن طرح فائديمند ناهي جو ان ۾ به گهڻي ڀاڱي غير سنڌي ڪراچي ۽ سنڌ جي شهرن ۾ پهچن ٿا ۽ انهن کي سپورٽ ملي ٿي ....

سچ اهو آهي رته ڪو حل، ڪا راهه، ڪو رستو نظر نٿو اچي سواء ڪنهن انقلابي جدوجهد جي.