سڄي دنيا ۾ ميلن جو رواج آهي جنهن ۾ شرڪت ڪري ماڻهو مختلف قسمن جي تماشن مان مزو وٺندا آهن. ٿائلينڊ جي سڀ کان وڏي ٻيٽ ڦڪيٽ تي به هڪ ساليانو ميلو لڳندو آهي جنهن کي سايون ڀاڄيون کائيندڙن جو ميلو چيو وڃي ٿو. ان ميلي ۾ گوشت جي جيتري چير ڦاڙ ڪئي وڃي ٿي ان جو تصور پاڻ گوشت خور به نه ٿا ڪري سگهن، اها چير ڦاڙ جانور جي گوشت جي نه پر انساني گوشت جي ڪئي ويندي آهي. ميلي ۾ شريڪ ماڻهو نون ڏينهن تائين گوشت کائڻ کان پرهيز ڪندا آهن پر ان دوران پنهنجي جسم جي گوشت کي وحشياڻي انداز سان نيزا، ڀالا، تير، خنجر ۽ ٻيا چهنبدار اوزارن پنهنجي جسم ۾ ٽُنبيندا آهن.
