برطانيا جي هڪ شاگردياڻي چيو آهي ته هن برطانيا جي راڻي ايلزبٿ 1 جي تيمارداري ڪندڙ ان وقت جي نوڪرياڻي جي ڀٽڪيل روح جي تصورير ڪڍي آهي، برطانيا جي شاگردياڻي موجب هن هيمپٽن ڪورٽ پيلس ۾ 1562ع ۾ ماتا سبب فوت ٿيل راڻي ايلزبٿ 1 جي تيمارداري ڪندڙ ڊيم سيبل پين جي ڀٽڪيل روح جي تصوير ڪڍي آهي، هيمپٽن پيليس بابت 200 سالن کان افواهه هئا ته اتي ڪجهه ڀٽڪيل روح آهن هاڻي هڪ شاگردياڻي پنهنجي آءِفون تي انهي گري رنگ جي مائي جي تصوير ڪڍي ڳالهين کي سچ ثابت ڪري ڇڏيو آهي، برطانيا جي 12 سالن جي شاگردياڻي هولي هيمپشائر موجب هو هيمپٽن پيليس گهمندي پنهنجي سوٽ جون تصويرون ڪڍي رهي هئي ته ان ۾ ڀٽڪيل روح جي تصوير به اچي وئي. ان گري عورت بابت اڳ به چيو ويو ته کيس 1829 ۾ به ڏٺو ويو هو، ان کان سواءِ هڪ ٻي عورت ڪيٿرين هوارڊ جنهن کي جنسي لاڳاپن سبب قتل ڪيو ويو هو ان جي ڀٽڪيل روح هجڻ بابت به چيو ويندو آهي ته هيمپٽن پيليس ۾ گهمندي وتندي آهي.
