جيڪڏهن توهان سمجهو ٿا ته گذارو ڪرڻ لاءِ ڦاٽل جورابا پائجن ته احتياط ڪيو ۽ اها غلطي ان وقت نه ڪيو جڏهن توهان جي مڱيندي اوهان جي سامهون ويٺل هجي، سعودي عرب ۾ ڦاٽل جورابن سبب هڪ نوجوان جي مڱڻي ٽٽي پئي. اخبار ”الرياض“ موجب صوبي احسا سان تعلق رکڻ واري ڇوڪريءَ مڱيندي کي گهر گهرايو ته جيئن والدين جي موجودگيءَ ۾ ان سان ملاقات ڪجي. هلندڙ ملاقات ۾ ڇوڪري اوچتو ڪمري مان هلي وئي ۽ پنهجن والدين کي ميسج ڪيو جنهن ۾ لکيل هو، ”ابا حضور! مان ڇت کان ڪرڻ بدران ڏاڪڻين تان ڪرڻ پسند ڪنديس پر هن شخص سان شادي نه ڪنديس، ٿورو هن جي ڦاٽل جورابن ڏانهن ته نظر وجهو“!! والدين پنهجي ڌيءَ جي دليل سان مڪمل اتفاق ڪندي مڱڻي ٽوڙڻ جو اعلان ڪري ڇڏيو.
