لاهور(بيورو رپورٽ) سينيئر وفاقي وزير مخدوم امين فهيم کي پنجاب حڪومت پاران ڏنل پوليس سيڪيورٽي اسڪواڊ جي گاڏي جو ڊيزل رستي ۾ ختم ٿي ويو، جنهن ڪري مخدوم امين فهيم بنا ڪنهن سيڪيورٽي اسڪواڊ جي پنهنجي اڪيلي گاڏي ۾ لاهور هوائي اڏي روانو ٿي ويو. مخدوم امين فهيم ايڪسپو سينٽر لاهور ۾ جاري هٿ جي هنر جي نمائش جي تقريب ۾ شرڪت لاءِ ڇنڇر ڏينهن لاهور آيو هو. ڪالهه صبح جو هو جڏهن لاهور کان واپس وڃي رهيو هو ته هوائي اڏي تي ويندي لاهور ڪينٽ جي علائقي ۾ کيس فراهم ڪيل پوليس اسڪواڊ جي اڪيلي گاڏي جو ڊيزل ختم ٿي ويو. جڏهن اسڪواڊ جي گاڏي بيهي رهي ته مخدوم پوليس اهلڪارن کان بيهڻ جو سبب پڇيو جنهن تي کيس ٻڌايو ويو ته گاڏي جو ڊيزل ختم ٿي ويو آهي. اها ورندي ٻڌي مخدوم امين فهيم پنهنجي ڊرائيور کي هوائي اڏي ڏانهن سفر جاري رکڻ جي هدايت ڪئي. واضح رهي ته پنجاب حڪومت پوليس جي بجيٽ ۾ اربين رپين جو واڌارو ڪيو آهي پر ڪجهه وقت کان هر ٿاڻي مان اها شڪايت اچي رهي آهي ته کين پوليس موبائيلن جي ڊيزل جا پئسا به نه ٿا ملن جنهن ڪري دهشتگردي جي موجوده لهر ۾ سندن ڪارڪردگي نه هئڻ برابر وڃي رهي آهي. هتي اهو به واضح رهي ته گذريل سال پڻ مخدوم امين فهيم لکت ۾ اها شڪايت ڪئي هئي ته لاهور اچڻ وقت کيس صوبائي حڪومت هڪ کٽارا ڪار ڏيندي آهي جيڪا ڪنهن به حوالي سان سفر ڪرڻ جي قابل ناهي هوندي. مخدوم جي ان شڪايت بعد جيتوڻيڪ کيس اڳ جي ڀيٽ ۾ بهتر گاڏي ڏني ويندي آهي پر امن و امان جي موجوده خراب صورتحال ۾ سينيئر وفاقي وزير، پيپلز پارٽي پارليامينٽرينز جي صدر مخدوم امين فهيم سان صوبائي حڪومت جي ان ورتاءَ ان جي رويي جي حوالي سان ڪيترن ئي سوالن کي جنم ڏنو آهي. http://www.thekawish.com/
جواب: امين فهيم کي پنجاب حڪومت طرفان ڏنل پوليس گاڏي جو ڊيزل رستي ۾ ختم ٿي ويو ويچاري امن پسند ماڻهون امين فهيم کي حفاظتي انتظامن جي ڪهڙي ضرورت ۔۔۔ دهشتگرد به محترم امين فهيم کي ڏسي پاسو ڪندا هوندا ته ڪٿي مسڪين سان وڌيڪ ناانصافي نه ٿئي، گگدامڙو انسان آهي، هروڀرو کيس ڪير تڪليف ڏيندو ۔۔۔ !!! سنڌي ۾ هڪ پهاڪو آهي ” انڌي جهڙي ساهرين تهڙي پيڪين“
جواب: امين فهيم کي پنجاب حڪومت طرفان ڏنل پوليس گاڏي جو ڊيزل رستي ۾ ختم ٿي ويو سائين سنڌ پوليس اهڙي شڪايت ڪڏهن نه ڪئي آ ڊيزل نه هجڻ جي جو ڪوبه مسڪين ٿاڻي تي وڃي ته اڳ ئي انسپيڪٽر صاحب چوڻ لڳندو بابا هلون ٿا ڊِيزل ته گاڏي ۾ ڪونه آهي وڏو صاحب اچي ترس مجبورن 500 يا 1000 هر غريب جي کيسي مان پوليس جي گاڏين ۾ وري پاڻ کي جيڪي فنڊ ان مد ۾ ملن اها ته سڀني کي خبر آ ته وڏو صاحب ڪاڏي ڪندو هوندو
جواب: امين فهيم کي پنجاب حڪومت طرفان ڏنل پوليس گاڏي جو ڊيزل رستي ۾ ختم ٿي ويو سائين نثار صاحب اوهان صحيح ٿا چئو، سائين مخدوم صاحب کي ڪير چوندو
جواب: امين فهيم کي پنجاب حڪومت طرفان ڏنل پوليس گاڏي جو ڊيزل رستي ۾ ختم ٿي ويو ايميل ايڊريس ٻڌايو اسان ڪجه ڪري سگهون ٿا؟!
