90 تي رينجرز جو ڇاپو، غير ملڪي هٿيار، سزاءِ موت جا قيدي ۽ ٽارگيٽ ڪلر هٿ ڪيا ويا، راءِ ڏيو.

اڄ صبح جو سوير رينجرز طرفان عزيزآباد ۽ ان جي اوسي پاسي ٽارگيٽيڊ آپريشن ڪيو ويو ۽ ان سان گڏ ايم ڪيو ايم جي مرڪزي آفيس تي پڻ ڇاپو هنيو ويو جنهن ۾ وڏي مقدار ۾ غير ملڪي هٿيار هٿ ڪيا ويا آهن ۽ انهن سان گڏوگڏ سزاءِ موت جا قيدي ۽ ڪجهه ٻيا ٽار گيٽ ڪلر پڻ پڪڙيا ويا آهن، اهڙو اظهار ڊي جي رينجرز پنهنجي هڪ پريس ڪانفرنس ۾ پڻ ڪيو آهي.
ايم ڪيو ايم جيڪا هميشه طالبان ۽ دائش جي باري ۾ واويلا ڪندي رهندي آهي، جيڪا سدائين لياري ۾ رهندڙ ماڻهن جي خلاف آپريشن جا مطالبا ڪندي رهندي آهي ۽ هميشه ڪراچي ۾ ٿيندڙ دهشتگردي جي باري ۾ چوندي رهندي آهي ۽ اڄ جڏهن ان جي مرڪزمان هي سڀ ڪجهه مليو آهي ته ان کي ظلم ۽ ناانصافي چئي ماڻهن کي احتجاج لاءِ مجبور ڪري رهي آهي.
غير ملڪي هٿيار ۽ ٽارگيٽ ڪلر ته ڪجهه سمجهه ۾ اچڻ جهڙي ڳالھ آهي ته جهڙي تنظيم آهي اهڙا ڪم ڪندي پر اهي قيدي جن کي سزاءِ موت اچي چڪي آهي اهي بجاءِ جيل جي 90 تي ڪيئن پهتا، ان پٺيان ڪهن جو هٿ ٿي سگهي ٿو اهو اسان سڀني لاءِ سوچڻ ڪو مقام آهي.
هتي سڀ دوست پنهنجي مناسب راءِ ڏيئي هن ڳجهارت کي حل ڪرڻ ۾ مدد ڪن، ڇو ته ان سان سنڌ ۽ سنڌين تي اثر پئجي سگهي ٿو.

 

ادا سنئين سنڌي ڳالهه آهي ايم ڪيو ايم کي هر گورنمنٽ سپورٽ ڪئي آهي خبر ناهي ڪهڙي مجبوري کان سڀ ڪجهه ڄاڻندي به بجاءَ کين سزا ڏيڻ جي الٽو سندن غلامي قبول ڪندا آهن. اڄ اگر قانون سچ ۾ ڏوهاڙين کي انجام تائين بهچائڻ چاهي ٿو ته تمام بهترين قدم آهي اسان خود حڪومت سان گڏ آهيون جيڪڏهن حڪومت جي ذاتي مفاد پويان اهيو ڊرامو رچايو ويو آهي ته اهيو عوام کي بيوقوف ڪرڻ واري پروپيگنڊا بند ٿيڻ گهرجي ۽ ملڪ کي حقيقت ۾ ڏوهاڙين کان پاڪ ڪرڻ گهرجي..

 

هتي سڀ دوست پنهنجي مناسب راءِ ڏيئي هن ڳجهارت کي حل ڪرڻ ۾ مدد ڪن،
ڳالهه ته پڌري پَٽِ پئي آهي ، ڏاڍي جي لٺ کي ٻه مٿا

 

بهترين قدم....

 

ادا ٻڌو آهي ته اڳ ۾ به نواز شريف جي حڪومت دوران ئي ايم ڪيو ايم جي مرڪز تي ڇاپو لڳو هو..

 

ساراھ جوڳو عمل آهي ، سڄي ملڪ ۾ ايم ڪيو ايم جي سمورن دفترن جو آپريشن ٿيڻ گهرجي

 

السلام عليڪم دوستو ،صبح بخير .
نزله زڪام کهانسي ،قومي نشان همارا.
اهڙو ڪم ڪيو اٿس مونسان لڳي ٿو سچو مغز نڪ رستي نڪري ويو آهي ،ڪا ڳاله سمجھ ۾ نه ٿي اچي .
”صاحب ڏيج شفا ميان مريضن کي “
مٿان پي ٽي سي ايل وارن مٿو خراب ڪيو آهي .EVO .ٽائيم کان اڳ بند..... لڳي ٿو ته لمٽ 20 جي بي ڪئي اٿن.هتي سائين ڪير ڪڇي .مٺي به ماٺ ،مُٺي به ماٺ.
اميد ته اوهان سڀ عافيت سان هوندا. سيارو پنهنجي ڪثر نه ٿو ڇڏي.وري به مالڪ جا ڪروڙين ڪرم جو دم عزت عافيت سان گذري سو غنيمت.
شهر ۾ ڪاله وڏي وٺ وٺان لڳي پئي هئي پر ميمڻ ڳوٺ ۾ رهڻ جو اهو فائدو آهي جو سڪون سان هر ڪاروبار پئي هليو. ڪراچي نائين زيرو جي ڦوڪڻي مان هوا نڪري وئي اچ شهر به معمول موجب آهي.ڪاله ڀائي جي خطاب ۾ دم خم ،گانو راڳ يا ڌونس ڌمڪي نه هئي. رب خير فرمائيندو.

 

جيو جي صحافي ولي بابر جو قاتل فيصل محمود پڻ پڪڙيو ويو آهي پر افسوس جو جيو وارن پنهنجي صحافي جي مالڪي ڪرڻ ۽ رينجرز جي حمايت جي بجاءِ دهشتگردن جي طرفداري پئي ڪئي.

 

بول ڪي لب آزاد هين تيري....!!
پاڪستان دنيا جو واحد ملڪ آهي جتي سياسي پارٽين جي مڇي مارڪيٽ لڳل آهي ۽ سياسي پارٽيون عوامي خدمت لا نه پر هڪ منافعه بخش ڪاروبار سمجهي وجود ۾ اينديون رهنديون آهن.
ايم ڪيو ايم جو ته وري دين ايمان ئي الڳ آهي. هي تنظيم سياسي پارٽي نه پر هڪ مافيا سمجهي وڃي ٿي. سندس شان ۾ ڇا لکجي..!!
سپريم ڪورٽ ، فوجي ترجمان ، رينجرز ترجمان يا وري پوليس ترجمان ايم ڪيو ايم جي نظرن ۾ سڀ غلط آهن بس صحيح آهي ته سندن پير ۽ مرشد الطاف ڀائي..!!
ڪلهه ڏينهن جو پاڻ فرمائي رهيو هو ته "آخر ڏوهاري 90 ۾ ويٺا ڇو هئا..؟ خوامخواهه اڪثريت لا مٿي جو سور بڻيا آهن، مون وانگر هيڏانهن هوڏانهن هلي وڃن ها، ايتري وڏي دنيا آهي..!!"
(مطلب ته ڀُوتار قبولي رهيو هو ته پاڻ به ڪارو منهن ڪري ڀڳو آهي..!!!)
اڄ وري مظلومن جي ساٿي فرمايو آهي ته 90 تان ڏوهاري نه پڪتا ويا آهن پر اهي ته 90 جي آس پاس گهمي رهيا هئا...!!
مطلب ته سندس چوڻ موجب 90 هڪ سير سپاٽي جو مقام آهي خاص طور تي ڏوهاري ماڻهن لا پڪنڪ پوائنٽ..!!
ڀلا سائين ڦني خان کان ڪير پڇي ته آخر ڏوهارين کي 90 اچي ئي روحاني سڪون ڇو ٿو ملي ..!!!؟؟
حد ته اها آهي ته ايم ڪيو ايم جو هي مؤقف به سامهون آيو آهي ته 90 تان هٿ آيل خطرناڪ هٿيار رينجرز ڪمبل ۾ ويڙهي پاڻ سان گڏ کڻي آئي هئي..!!
انهن عقلمندن کي ڪير سمجهائي ته هڪ ڪمري ۾ ماپڻ جيترن هٿيارن جو ايڏو وڏو ذخيرو ڪمبل ۾ ڪيئن ٿو اچي سگهي...!!؟؟

بيشڪ الله پاڪ ظالمن جي رسي ڍلي ڪندو آهي پر جڏهن ڇڪيندو آهي ته پو دنيا لا عبرت به بڻائي ڇڏيندو آهي..!!
اڃا ته سندن ڪيل بيشمار ظلمن جوحساب ڪتاب کين ڏيڻو آهي دنيا ۾ به ته آخرت ۾ به...!!!
شل الله پاڪ اسان سڀني کي ۽ اسان جي سنڌ کي سندن شر کان محفوظ رکي. آمين ثم آمين.