جبار آزاد منگي
سينيئر رڪن
مصر جي آڳاٽي زماني واري بادشاهه فرعون بابت ڪيل نئين تحقيق ۾ ڪجهه نين ڳالهين جو انڪشاف ٿيو آهي ته سندس ماءُ پيءُ سڳا ڀاءُ ڀيڻ هئا، جنهن سبب هو خانداني بيمارين جي ور چڙهي مري ويو هو، پرڏيهي ميڊيا موجب فرعون جي ممين کي ۽ ٻين دستاويزن کي ڳنڍي ڪمپيوٽر تي پوسٽ مارٽم ڪيو ويو جنهن کان پوءِ سندس شخصيت بابت نين ڳالهين کي پروڙيو ويو. تحقيق موجب فرعون جا سامهون وارا ڏند وڏا هئا، هو ٽنگ کان منڊو ۽ سندس منڍي ڳوري هئي. فرعون گهوڙي سواري جو شوقين هو پر منڍي ڳوري هجڻ سبب هن ڪڏهن به گهوڙي سواري نه ڪئي. برطانوي اخبار ڊيلي ميل موجب هڪ قبر مان 130 کان وڌيڪ ڪاٺيءَ جون لٺيون هٿ آيون، جِن مان اندازو لڳائي سگهجي ٿو ته فرعون انهن سهاري منڊڪائي هلندو هو. هڪ تحقيق ۾ چيو ويو آهي ته سندس موت گهوڙي تان ڪرڻ سبب ٿيو، پر سندس والدين جي غير فطري شادي مان خبر پوي ٿي ته هو خانداني بيمارين جي ور چڙهي مئو هو. جڏهن ته هڪ ٻي تحقيق موجب فرعون جو ڏاڏنگ وڏيون عمريون رکندڙ هو پر سندس پيڙهي ۾ عمريون گهٽجي ويون هيون.اٽلي جي تحقيقي اداري موجب فرعون جي پيءُ جو نالو ”عنخ آمون“ هو ۽ هن جا سڳي ڀيڻ سان ناجائز لاڳاپا هوندا هئا جنهن کان پوءِ ٻنهي جي شادي ٿي هئي
