اسان جي عشق جو عنوان

[رسول بخش دائودپوٽه]

ڪافي
______________________
اسان جي عشق جو عنوان
_______________________

اسان جي عشق جو عنوان
اوهان ئي هو مٺا جانب
اسان جي سڪ ساڻيه ۾
اوهان ئي هو مٺا جانب

اسان کي محبتن جو نينهن
کائي ٿو ائين جيئن شيهن
اسان جي چاه جي چاهت
اوهان ئي هو مٺا جانب

اوهان کان دور ٿيندي هي
آهي سورن ۾ هي دلڙِي
اسان جي روح جي راحت
اوهان ئي هو مٺا جانب

اوهان جو نور ئي آ نور
نرمل هت نظاري ۾
اسان وٽ عاشقي عادت
اوهان ئي هو مٺا جانب

رسول بخش دائودپوٽه