سنڌي ادبي سنگت شاخ نصرپور جو اجلاس سنڌي ادبي سنگت شاخ نصرپور جي دستوري گڏجاڻي لاڙڪاڻي کان آيل مشهور شاعر مصطفى انڙ ڪئي . هن اجلاس ۾ سنڌي ادبي سنگت مرڪز جي چونڊيل آڊيٽر فقير محمد انڙ ۽ ضلعي ٽنڊوالهيار جي نئين چونڊيل رابطه سيڪريٽري عنايت لغاري به شرڪت ڪئي گڏجاڻي جي شروعات تلاوت ڪلام پاڪ سان ٿي جيڪي ريحان ابڙو ڪئي . جنهن بعد آيل مهمان کي نصرپور اچڻ تي ڀليڪار ڪئي ويئي . سنگت جي ميمبرن فقير محمد انڙ ، عنايت لغاري ۽ مصطفى انڙ کي گلن جا هار پارايا ۽ چونڊيل عهديدارن کي مبارڪون ڏنيون . جنهن بعد اصلاحي تنقيد جي ادبي نشست هلي جنهن ۾ ريحان ابڙو ڪهاڻي “ ماڳ ماڳ منزل ” اياز عالم ملوڪاڻي ڪهاڻي ” لا پرواهي ” عبدالڪريم ساحل جتوئي ” ٽيڙو ” ريحان ميمڻ ” چوسٽا ” سميع الرحمان ابڙو ” وائي ” ڍول گھراڻو ”گيت ” راجيش ڏيوجي فقير محمد ڍول جو غزل ترنم ۾ ٻڌايو خادم گھراڻو نصرپور جا هندو عالم اديب حڪيم ۽ ارجن ڊيٽا رام ناٿاڻي سڪايل جي شاعري ” الوداع ” پيش ڪئي . مصطفى انڙ پنهنجو نڪور شاعري طويل نظم پيش ڪيو . هن اجلا س هلندي مشهور مترجم اديب پروفيسر برڪت علي ڪريمي به شرڪت ڪري گڏجاڻي کي چار چنڊ لڳائي ڇڏيا . آخر ۾ هيءَ گڏجاڻي مصطفى انڙ جي شاعري سان ختم ڪيئي ويئي .
