سوز هالائي جي غزل رنگ رتا پيچرا مان

[Irfan Ahmed Chandio]

جت روح کي رنج و الم نه هجي، هل چاهه چريا ان ماڳ هلون​

جت دل تي ظلم و ستم نه هجي ، هل چاهه چريا ان ماڳ هلون​

​

جت پيار مٿي پهرا نه هجن، دانگي جهڙا چهرا نه هجن​

جت برهه تي ڪو برهم نه هجي، هل چاهه چريا ان ماڳ هلون​

​

جت محبت ڀريا ماڻ هجن ۽ پاسي پرين پاڻ هجن​

جت اکڙين ۾ آگم نه هجي، هل چاهه چريا ان ماڳ هلون​

​

جي زخم هجن، مرهم به هجي، هر دم ۾ ڪو همدم به هجي​

ڀل لڙڪ لڙن پر غم نه هجي، هل چاهه چريا ان ماڳ هلون​

​

جت موتئي جي مهڪار هجي ۽ هيرن ۾ هٻڪار هجي​

جت مکڙي ڪا پرنم نه هجي، هل چاهه چريا ان ماڳ هلون​

​

جت قدر سڃاپي لڙڪن جو، احساس هجي جت سُڏڪن جو​

جت ڪوڙي ريت و رسم نه هجي، هل چاهه چريا ان ماڳ هلون​

​

جت روساما پرچا هجن ۽ سپرين سان سرچا هجن​

جت قرب سوا ڪو ڪم نه هجي، هل چاهه چريا ان ماڳ هلون​

رنگ رتا پيچرا (ص، 40)​

 

[رضوان علي جمالي]

جت محبت ڀريا ماڻ هجن ۽ پاسي پرين پاڻ هجن
بهترين

 

[Irfan Ahmed Chandio]

جت محبت ڀريا ماڻ هجن ۽ پاسي پرين پاڻ هجن
بهترين

مهرباني