زميندار کان انٽرويو

[محمد ابراهيم نظاماڻي]

ٽي وي جو صحافي، زميندار کان انٽرويو وٺندي.
صحافي: ”توهان ٻڪر کي ڇا کارائيندا آهيو؟“
زميندار: ”ڪاري کي يا اڇي کي؟“
صحافي: ”اڇي کي ....“
زميندار: ”گاه“
صحافي: ”۽ ڪاري کي؟“
زميندار: ”انهن کي به گاه“
صحافي: ”انهن کي ڪٿي ٻڌندا آهيو؟“
زميندار: ”ڪاري کي يا اڇي کي؟“
صحافي: ”اڇي کي ....“
زميندار: ”ٻاهرين ڪوٺي ۾“
صحافي: ”۽ ڪاري کي؟“
زميندار: ”انهن کي به ٻاهرين ڪوٺي ۾“
صحافي: ”انهن کي وهجاريندا ڪيئن آهيو؟“
زميندار: ”ڪاري کي يا اڇي کي؟“
صحافي: ”اڇي کي ....“
زميندار: ”پاڻي سان“
صحافي: ”۽ ڪاري کي؟“
زميندار: ”انهن کي به پاڻي سان“
صحافي چِڙ ڪندي، جڏهن ٻني سان ساڳيون ڪم ٿا ڪريو ته پوءِ گھڙي گھڙي اهيو سوال ڇو ٿا ڪريو، ”ڪاري کي يا اڇي کي؟“
زميندار: ”ڇو جو اڇو ٻڪر منهنجو آهي.“
صحافي: ”۽ ڪارو؟“
زميندار: ”اهو به منهنجو آهي.“