منهنجو سهڻو دلبر تون

[رسول بخش دائودپوٽه]

منهنجو سهڻو دلبر تون اندر آسيس آهين تون

توسان دل سدنديون ڳالهيون عشق اقرار آهين تون

تو سان نينهن جو ناتو محبت ۾ اسان ڄاتو

سڪ ۾ سار سڀ تو لئه منهنجو پيار آهين تون

ڪچهريون قرب ۾ سهڻا سدائين جي هجن پنهنجون

ڀلايون ڀاڳ پو ڀايان عشق آسار آهين تون

اچي ٿي روح کي راحت اوهان جي روبرو هوندي

جدائيون ڪين ڪيو جاني منهنجو منٺار آهين تون

رسول بخش دائودپوٽه