شيخ اياز جي شاعريءَ ۾ خيانٿ، برداشت جوڳي ڪانهي ـ

[محمد خان سيال]

نيويارڪ ۾ رهندڙهڪ سنڌي قومپرست ڊاڪٽرسارنگ انصاريءَ قومي شاعر شيخ اياز جي شاعري يعني: سنڌ ديس جي ڌرتي، تو تي پنهنجو سيس نوايان....۾ ڦير ڦار ڪري، پنهنجي طرفان هڪ سٽ وڌائي ۽ ٻي سٽ ڪڍي، پنهنجي زال ڪونج انصاريءَ جي نالي ۾ فيس بوڪ تي پوسٽنگ ڪئي اٿس ـ سندس شاعري بلڪل بي سُري آهي جيڪا شيخ اياز جي شاعريءَ ۾ سراسر اڻ فِٽ لڳي ٿي ـ
مان سمجھان ٿو ته شيخ اياز يا ڪنهن ٻئي شاعر جي شاعريءَ ۾، پنهنجي طرفان، هڪ سٽ ڪڍڻ ۽ هڪ سٽ وجھڻ، امانت ۾ خيانت ڪرڻ جي برابر آهي ۽ اهڙي حرڪت ڪنهن به رُخ کان برداشت ڪرڻ جوڳي ڪونهي ـ
اهو رواج هليو ته سڀاڻي شاهه جي شاعريءَ ۾ به ڪاٽ ڪوٽ ڪئي ويندي ۽ پنهنجي پسند موجب واڌ ڪئي ويندي ـ
هونئن به اهو سلسلو هليو ته اڳتي هلي بيهندو ڪونه، تنهن ڪري انهيءَ فتني کي اتي جو اتي مٽيءَ ۾ ملائڻ گھرجي ـ