سڄڻ جوشان عاليشان ٿيندو

[سيد احسان علي شاهه]

سڄڻ جوشان عاليشان ٿيندو
مرزا صاحبان ٽنڊوآغا جن وٽ هڪ عدد طرح مصرح تي ٿيل مشاعري جو غزل

سڄڻ جو شان عاليشان ٿيندو
جو احسان ان جو اڄ مهمان ٿيندو

نه کولي وار لنگهه مسجد جي سامهون
نمازي ڇا ملون بي ايمان ٿيندو

مون روئي هٿ ٻڌي اڄ عرضڙو ڪيو
بالآخر خوش سندم دربان ٿيندو

ڏسي پرچڻ رسڻ دشمن به پنهنجو
پريشان ٿي وري حيران ٿيندو

ادب جي ٿي نٿي نشر ۽ اشاعت
بي ادبي جو وڃين اعلان ٿيندو

نئون ڪو درد ڏيندين تون پوء ان مان
پراڻي درد جو درمان ٿيندو

اميرن کي ميسر زندگي ٿي
غريب آهي فقط قربان ٿيندو

جڏهن ڪڍنداسون نفرت ڪينو دل مان
تڏهن پنهنجو هي پاڪ اسٿان ٿيندو

اڃان آهي تسلسل خواب وارو
ڪڏهن آزاد پاڪستان ٿيندو

هتي اڄ ، ڪلهه پشاور ڇا خبر عيد
ڏهاڙو ٽيو وزيرستان ٿيندو

جڏهن هڪ قوم ٿي سندرو ٻڌوسين
ناممڪن جو تڏهن امڪان ٿيندو

پوء اوچو عشق جو ٿيندو ستارو
سڄڻ جو شان عاليشان ٿيندو

جي ايندين وقت سر وعدي مطابق
اهو احسان تي احسان ٿيندو

​

 

[عبدالغني لوهار]

سهڻو خيال . جاري رکو ادا

 

[سيد احسان علي شاهه]

سهڻو خيال . جاري رکو ادا

قرب

 

[رضوان علي جمالي]

نه کولي وار لنگهه مسجد جي سامهون
نمازي ڇا ملون بي ايمان ٿيندو
مُلو بي ايمان نه ٿيندو، پر ايمان تازو ضرور ڪندو.
اهو سلسلو جي جاري رکندؤ
ته احسان جو احسان ٿيندو

 

[سيد احسان علي شاهه]

برادرم جمالي مهربانيون خوب پسنديدگي تي خوشي محسوس ٿي

 

[رضوان علي جمالي]

برادرم جمالي مهربانيون خوب پسنديدگي تي خوشي محسوس ٿي

مهرباني