حاضر آهي آنلائن ڊيمو يو.ايس سنڌي_ويب فونٽ

السلام عليڪم سنڌسلامت جا ساٿيو..!
ڪافي ڏينهن کان ڪوششن ۾ هئس ته هڪ اهڙو فونٽ تيار ڪجي جيڪو اردو، سنڌي ۽ انگريزي سپورٽ رکندڙ هُجي ۽ ان کي مُفت رليز ڪيو وڃي.. الله پاڪ منهنجي ڪوششن کي ڪامياب ڪيو ۽ سنڌي ويب فونٽ جو اردو سپورٽ رکندڙ ورجن تيار ٿي ويو.. فونٽ جو نمونو ڪجهه ڏينهن اڳ فيسبوڪ تي به رکيم ته پر ان ۾ ڪافي خاميون هُيون جيڪي گذريل ٻن ڏينهن کان ختم ڪري فونٽ کي مڪمل بڻايو ويو آهي.
فونٽ جا فيچر

• سنڌي، اردو ۽ انگريزي سپورٽ
• ويبسائٽ سپورٽ
• اَعرَاب رنگين (جيڪي ڪروم برائوزر جي 28 ورجن تي نظراچن ٿا ۽ ونڊوز 8.1 جي انٽرنيٽ ايڪسپلورر ۾ صحيح نموني نظر اچن ٿا، فائرفوڪس، اوپيرا ۾ صحيح نظر اچن ٿا)
• فونٽ ۾ سنڌسلامت جو لوگو ليگيچر طور رکيو ويو آهي.. (سنڌي ڪيبورڊ مان sslogo جا بٽڻ دٻائڻ تي لوگو ظاهر ٿيندو)

ياد رهي ته هي فونٽ جو ڊيمو آهي، وڌيڪ رهنمائي لا ان کي ”سنڌسلامت ويب فونٽ ڏيکاريندڙ“ تي رکيو ويو آهي.
سنڌي، اردو ۽ انگريزي سپورٽ رکندڙ نوان (جديد) سنڌي فونٽ جلد سنڌسلامت تي مُفت ڊائونلوڊ لا رکيا ويندا.

ڊيمو ڏِسڻ لا ڪلڪ ڪريو​

 

تمام سٺو ڪم ... اهڙي فونٽ جي سخت ضرورت آهي. ان سلسلي ۾ فونٽ جوڙيندڙ دوست وڌيڪ رهنمائي ڪري سگهندا.

 

ادا توهان آنلائن فونٽ آزمائي سگهو ٿا.. (مٿي لنڪ ڏنل آهي)
بس ڪجهه ئي ڏينهن ۾ فونٽ سنڌسلامت تي رکيو ويندو.

 

بلڪل..
هاڻ سنڌي ٻولي جا سڀئي فونٽ (جيڪي آئون، اسد ۽ گل ٺاهيون پيا)، ملٽي لئنگيج ڪيا ويندا..

 

وڏي ي جي لاءِ توهان کي عرض آهي ته اُها سٺي هٿ ڪري ڏيو

 

مون ترميم ڪري ڇڏي آهي.. فونٽ ۾ اردو جي وڏي ي اصلي لڳائي اٿم ۽ شد ّ سنڌي وارو لڳايو اٿم

 

ادا مون اھي فونٽ سرور تي رکيا ھُئا، اھو سرور بند ٿي ويو.. ھاڻ بيڪپ پڻ ناھي..