محمد خان سيال
سينيئر رڪن
ڪنهن جي موت تي افسوس ئي ڪري سگهجي ٿو ۽ ڪنهن کي خوش ٿيڻ ڪنهن به صورت ۾ ڪونه ٿو جڳائي پر اها به تلخ حقيقت آهي ته عبدالحفيظ پيرزادي ۽ رئيس غلام مصطفى جتوئي ٻنهي شهيد ذوالفقارعلي ڀٽي سان آخري ڏينهن ۾ غداري ڪئي هئي ۽ ٻنهي کي ٽئين ملٽري ڊڪٽيٽر جنرل ضياءَالحق الڳ الڳ وزيراعظم ٿيڻ جو آسرو ڏنو هو ـ شهيد ذوالفقار علي ڀٽي جيل جي ڪال ڪوٺڙيءَ ۾ پنهنجي وڪيل عبدالحفيط لاکيَ کي چيو هو ته هو پيرزادي ۽ جتوئيءَ تائين سندن پيغام پهچائي ته ٻيئي جيڪڏهن سندن خاطر پبلڪ ۾ نه ٿا اچن ته ماڻهن کي منهن ڏيکارڻ لاءِ ئي پبلڪ ۾ اچن. لاکي صاحب جو اهڙو انٽرويو بي بي سي اردو نشر ڪيو هو ـ
لاکي صاحب جي چواڻي هن ٻيئي نياپا پهچايا جن جي جواب ۾ جتوئي صاحب جو چوڻ هو ته مان فوجي حڪومت کان ڊڄان ٿو جڏهن ته پيرزادي صاحب به عوام ۾ اچڻ کان انڪار ڪيو هو.
سڀ کان وڏي افسوس واري اها ڳالهه هئي ته شهيد ڀٽي کي بچائڻ جي آخري اميد شريعت عدالت هئي جتان پيرزادي صاحب پنهنجو ۽ شفيع محمدي وڪيل جا ڪيس شهيد ڀٽي کي ڦاهي اچڻ کان ٻه ڏينهن اڳ اوچتو پنهنجي طرفان واپس وٺڻ جو اعلان ڪيو جنهن ڪري شهيد ڀٽي کي ڦاسي اچي وئي ـ اهو سارو احوال جنگ جي اڳوڻي ايديٽر نذير لغاري جنگ ۾ پنهنجو ڪالم ۾ بيان ڪيو هوـ
پيرزادي صاحب جنگ سنڊي مخزن کي انٽرويو جيڪو 4 قسطن ۾ ڇپيو هو تنهن ۾ چيو هئائين ته شهيد ڀٽي کانپوءِ وزيراعظم ٿيڻ منهنجو حق هو پر افسوس ته مون کي وزيراعظم ٿيڻ ڪونه ڏنو ويو ـ انهيءَ انٽرويو ۾ هن شهيد ڀٽي جي ڪيل 90 سيڪڙو ڪارنامن جو خود ڪريڊٽ کڻڻ جي ڪوشش ڪئي هئي ـ
مون اهي ڳالهيون پنهنجي آن لائين انگريزي اخبار سنڌ ٽه ڊي ڊاٽ نيٽ ۾ لکيون هيون جنهن تي 26 جولاءِ 2006 تي چوٿين ملٽري ڊڪٽيٽر ۽ سنڌين خلاف نسلي متڀيد رکندڙ جنرل پرويز مشرف، سنڌين سان ناانصافين خلاف آواز بلند ڪرڻ جي ڏوهه ۾ پابندي مڙهي هئي ـ
لاکي صاحب جي چواڻي هن ٻيئي نياپا پهچايا جن جي جواب ۾ جتوئي صاحب جو چوڻ هو ته مان فوجي حڪومت کان ڊڄان ٿو جڏهن ته پيرزادي صاحب به عوام ۾ اچڻ کان انڪار ڪيو هو.
سڀ کان وڏي افسوس واري اها ڳالهه هئي ته شهيد ڀٽي کي بچائڻ جي آخري اميد شريعت عدالت هئي جتان پيرزادي صاحب پنهنجو ۽ شفيع محمدي وڪيل جا ڪيس شهيد ڀٽي کي ڦاهي اچڻ کان ٻه ڏينهن اڳ اوچتو پنهنجي طرفان واپس وٺڻ جو اعلان ڪيو جنهن ڪري شهيد ڀٽي کي ڦاسي اچي وئي ـ اهو سارو احوال جنگ جي اڳوڻي ايديٽر نذير لغاري جنگ ۾ پنهنجو ڪالم ۾ بيان ڪيو هوـ
پيرزادي صاحب جنگ سنڊي مخزن کي انٽرويو جيڪو 4 قسطن ۾ ڇپيو هو تنهن ۾ چيو هئائين ته شهيد ڀٽي کانپوءِ وزيراعظم ٿيڻ منهنجو حق هو پر افسوس ته مون کي وزيراعظم ٿيڻ ڪونه ڏنو ويو ـ انهيءَ انٽرويو ۾ هن شهيد ڀٽي جي ڪيل 90 سيڪڙو ڪارنامن جو خود ڪريڊٽ کڻڻ جي ڪوشش ڪئي هئي ـ
مون اهي ڳالهيون پنهنجي آن لائين انگريزي اخبار سنڌ ٽه ڊي ڊاٽ نيٽ ۾ لکيون هيون جنهن تي 26 جولاءِ 2006 تي چوٿين ملٽري ڊڪٽيٽر ۽ سنڌين خلاف نسلي متڀيد رکندڙ جنرل پرويز مشرف، سنڌين سان ناانصافين خلاف آواز بلند ڪرڻ جي ڏوهه ۾ پابندي مڙهي هئي ـ