وقــــــــــــــــت........... وقت جو مطلب آهي..مدو، ميعاد، عرصو، ٽاڻو، ويلو، ويرم، سمون، ساعت، ايام، زمانو، ويرَ، ويل، مُند، موسم، وجهه، موقعو. اوسَرُ، سَجههُ، ساڄي، ٽِڻ ، سَٺو، سانگو، دُک، مصيبت، آفت، وِپَت.مذهبي ڪتابن ۾ توڙي جديد سائنسي ڪتاب ۾ اسان هميشه اهيو پڙهو آهي ته ويل وقت ڪڏهن به واپس ناهي ايندو، چاهي دنيا هر طاقت لڳائي ڇڏيو،. بقول استاد بخاري،............ ويو وقت ورائي نه سگهبو، ڪٽيل ڏار وڻ جو لڳائي نه سگهبو. ڪجهه ڳالهيون وقت تي ڇڏڻ گهرجن، هون به جيڪي ڳالهيون نه ڪنهن اسڪول ۾ پڙهايون وينديون آهن ۽ نه وري اسان ڪڏهن ڪتابن، رسالن ۽ اخبارن جي ڪالمن ۾ پڙهيون هونديون آهن اهو سڀ ڪجهه وقت سيکاري ڇڏيندو آهي، وقت پنهنجي وقت جو وڏو ماهر ۽ قابل استاد ۽ حڪيم آهي، جيڪو گهڻو ڪجهه سيکارڻ سان گڏ گهڻن زخمن تي مرحم پڻ رکندو آهي.
