جواب: اُردو شاعري ادا ناصر اهي اردو دانن اسان جي مٿي ۾ گهڻو سور ڪونه وڌو آهي ڇا؟ جو اوهين وري انهن جي شاعري به پڙهڻ لاءِ اسان مٿان ٿوپي ڇڏي يار ڪجه رحم ڪريو اسان ٿي پنهنجو قومي ورثو گهٽ آهي جو اهو توهان ونڊ ڪندا ڪريو توهان اسان کي شاه ٻڌايو سچل ٻڌايو استاد بخاري ۽ اياز ٻڌايو
جواب: اُردو شاعري دل ۾ ٻيو خيال پيدا ٿيو، جنهن ڪري ٻئي حال جو بيان ڪيان ٿو، جيڪڏهن تو کي ذرو درد جو رسي ٿو، ته آسمان تائين دانهون ٿو ڪرين، ارمان! جو توکي ان جي قدر جي خبر نه آهي، تون درد جو غم وٺ ۽ ان جي غم ۾ رهه. درد کانسواءِ ٻي ڪا راهه ڪانهي، درد بادشاهه آهي، ٻيو ڪو بادشاهه ڪونهي، اهو درد توکي خدا وٽ پهچائيندو ۽ گهڙي ۾ توکي خدا ڏيکاريندو
جواب:سنڌي شاعري سڄو ڏينهن رستن تي رلندا رهيا، مگر ڏس تنهنجي نه در تي پڳا. سدا مرڪ توکي مبارڪ هجي، اسان کي ته سڏڪا ئِيسڏڪا مليا. اسانجو ڇڏي لڙڪ ڀي ساٿ ويا، لڳو لڙڪ پنهنجا به پنهنجا نه هئا. سڄي رات توسان رهاڻيون ڪيون، اڪيلو هيس نيڻ جڏهن کليا. ڀري ڇرڪ سرتاج ٻاهر ڏٺم، هوا تي جڏهن تاڪ در جا کليا
جواب: اُردو شاعري زندگاني جو پرين! وهنوار رڪجي ٿو وڃي تون ملين ٿو ۽ سڄو سنسار وهنوار رڪجي ٿو وڃي جنهن کي منزل جسم جي هن پار ملڻي آ سو مسافر هر دفعي هن پار رڪجي ٿو وڃي ڪجھ به هو ڪاٿي خريدي ٿو سگھي بازار مان هو چريو بي ڪار ئئ هر بار رڪجي ٿو وڃي تنهنجي نيڻن ۾ جڏهن ٿو عڪس مان پنهنجو ڏسان منهنجو هن سنسار سان تڪرار رڪجي ٿو وڃي ڪائنات فلم ۾ سڀ جا سوين ڪردار هن موت سان ملندي به ڪٿ فنڪار رڪجي ٿو وڃي
جواب: اُردو شاعري گلن وانگر 'کلندا رهو ته اسان خوش آهيون توهان دل کولي ياد ڪندا رهو ته اسان خوش آهيون اسان اهو ناهيون چوندا ته فون ڪندا ڪريو صرف خط جو جواب ڏيئي اسان کي ياد ڪريو ته اسان خوش آهيون
جواب: اُردو شاعري اول الله عليم، اعليٰ، عالم جو ڌڻي قادر پنهنجي قدرت سين، قائم آهِ قديم والي، واحد، وحده، رازق، رَب رحيم سو ساراه سچو ڌڻي، چئي حمد حڪيم ڪري پاڻ ڪرِيمُ، جوڙُون جوڙ جهان جي سر ڪلياڻ، شاه جو رسالو
جواب: اُردو شاعري جیارس سنبھار، کوہ کریندم گڈجی ویروں تار وجود م، پریین جی پچار سی سجٹ ھون نہ دھار، جی ھیئنڑی م حل تھیا شاہ عبدالطیف بھٹائی
جواب: اُردو شاعري ڪـوڏر کڻ ڪـوڏر٬ !ڪـوڏر او ڪـوڏر !منھنجي لوھي آھي ڪـوڏر - وھوا !ساري سوني آھي ڪـوڏر - وھوا !ھيرا موتي آھي ڪـوڏر - وھوا ڪـوڏر او ڪـوڏر٠٠٠٠ !نالو کوٽي ٿي ڪـوڏر - شپ٬ شپ٬ شپ !پاڻي ڇوڙي ٿي ڪـوڏر - شپ٬ شپ٬ شپ !ٻارو جوڙي ٿي ڪـوڏر - شپ٬ شپ٬ شپ ڪـوڏر او ڪـوڏر٠٠٠٠ !ڀورا ڀنڊ کڻي آ ڪـوڏر - جلدي جلد آ ڀاءَ ڙي !سومر سانڊ کي آ ڪـوڏر - تڪـڙو تڪـڙو آءُ ڙي !راضي رِند کڻي آ ڪـوڏر - تڪـڙو تڪـڙو آءُ ڙي ڪـوڏر ڙي ڪـوڏر٠٠٠٠ !منھنجو ڏاڏو ڪـوڏاريو ٠٠٠ وھوا !منھنجو بابو ڪـوڏاريو ٠٠٠٠ وھوا !ھاري ھرڪـو ڪـوڏاريو ٠٠ وھوا ڪـوڏر او ڪـوڏر٠٠٠٠ !ڪـوڏر ڪـا بخاريءَ جي - وھوا !ڪـوڏر ھاريءَ ناريءَ جي - وھوا !ڪـوڏر سنڌڙي ساريءَ جي - وھوا ڪـوڏر او ڪـوڏر٠٠٠٠
جواب: اُردو شاعري Reply with quote اسان هون سپاهي، او ڀٽائي، تنهنجي سنڌ جا، درازيءَ جي ديس جا، سنائيءَ جي سنڌ جا. عزم عنايت سچ سگھارو، برک بلاول، حيدر پيارو، اِهي پيارا پيارا ماڻهو، پياري پياري سنڌ جا. ڪوٺَ ڪنائي پورهيت جاڳيو، جرئت جاڳي، رتَ ستَ جاڳيو، جاڳي پيا جيالا سارا، هاري ناري سنڌ جا. ڌرتيءَ ڄايا پيا گڏجي سڏجي، سچ جي سڏ تي پرچي سرچي، جوڙيون پيا نِڪورا خاڪا، آجي آجي سنڌ جا. سورج وانگي چمڪي سنڌڙي، جُڳ جُڳ ۾ جيئي سنڌڙي، هجن هر زبان تي نعرا، صبح، سانجھي سنڌ جا. جنت ڪاڇو ۽ ٿر آهي، ڪوثر منڇر، ڪينجھر آهي، وڻن ٿا نظارا ڏاڍا سُهڻي سُهڻي سنڌ جا. سنڌڙي جندڙي پياري پياري، عشق منجھان استاد بخاري، ويٺا گيت ٺاهيون ۽ ڳايون، مِٺي پنهنجي سنڌ جا.
جواب: اُردو شاعري وطن جي ٻچن لئه لڇون ٿا٬ ڪـڙھون ٿا، سياست نه ڄاڻون، اڪـابر نه آھيون، وطن جي زمين لئه جيئون ٿا، مرون ٿا، اسين واٽ ويندڙ مسافر نه آھيون.
جواب: اُردو شاعري سهڻا ناصر، اڄ جڏهن اوهانجي ان اردو شاعري واري ڌاڳي ته نظر پئي ته جوش وڌي ويو ۽ دل چاهيو ته ان لغڙ جي ڌاڳي کي ئي ڪٽي ڇڏجي، پر جڏهن هيٺ وري سنڌي شاعري تي نظر پئي ته دل خوش ٿي وئي ۽ وري دوستن جي رايا ڏٺم ۽ شاه جا انمول بيت ڏٺم ته اصل رت جي ڦيرو صحيح ٿي ويو ۽ سڪون اچي ويو۔۔۔ ڀائڙا اسانجي ڪوشش آهي ته هي فورم نج پج سنڌي هجي ۽ ان ۾ ڪا به ملاوٽ نه هجي، ها ٻين ٻولين سان ڪا دشمني ناهي پر جيئن ته ٻين ٻولين جا فورم گهڻا آهن ۽ اتي انهن جو مواد ڀريو پيو آهي انڪري اسانکي هن فورم تي پنهنجي ٻولي کي ئي پيش ڪرڻو آهي ۽ پنهنجن شاعرن اديبن ۽ ليکڪن جي همٿ افزائي ڪرڻي آهي ۔۔۔ آ اوهانجا موڪليل اردو شعر ڪڍي ٿو ڇڏيان ۔۔۔ ان لئه معذرت ۔۔۔ ها باقي سنڌي شعر جي موڪليا اٿو سي تمام سهڻا آهن عشق ۽ محبت جي پيغام سان سرشار آهن، پر انهن شعرن جي تخليقار جو ڪو ذڪر ناهي ۔۔۔ ڇا اهي سڀ شعر اوهانجا آهن ۔۔۔ ؟ جي نه ته اڳتي مهرباني ڪري شاعر جو نالو به لکندا ڪريو ۔۔۔ دعائن ۾ گڏ ۽ اوهانجي اڳتي جي ونڊ جو انتظار رهندو ۔۔۔
