شاعري : ابراهيم منشي آواز : سرمد سنڌي ڪتيون ڪئين قيد ۾ گذريون، چڱو چيٽن ۾ ملنداسين، سرنهن پيلا جھليندي گُل، انهن کيتن ۾ ملنداسين. اتر جا واءَ جڏهن لڳندا، اڇا سَرَ ڪانھه سنگ ڪڍندا، اينديون ڪونجون جِتي ڪُڻڪِي، انهن ٻيٽن تي ملنداسين. جڏهن جھنڊا آزاديءَ جا، پيا جھَر جھَنگ جھُولِيندا، **** انهن ڀيٽن ۾ ملنداسين. ڇڏي درياء ويندو دهشت، بنائي ٻيٽ ٻيلاٽيون، چڙهي تَنهن ناوَ ننڍِڙِيءَ تي ، اُنهن ٻيٽن تي مِلنداسِين. پرين جي پيار پنهنجي جا، هُئا پهرن مٿي پهرا، ڪي لڪ، لانگھا لنگهي منشي، پيا اک ٽيٽن ۾ ملنداسين. *** مٿي ڏنل بند جي وراڻي، سرمد جي آواز ۾ سمجھ ۾ نٿي اچي تنهنڪري سرمد جي آواز ۾ وڊيو به شيئر ڪريان پيو، اميد ته دوست رهنمائي ڪندا. https://www.facebook.com/video.php?v=524928027550854
