اڄ پنهنجي ليپ ٽاپ تان گوگل ڪروم برائوزر تي جڏهن ٽويٽر استعمال ڪيو ته سنڌي اکرن ۾ هي مسئلو نظر آيو. گوگل ڪروم ٽويٽر تي سنڌي اکر (م) جي جگه تي خالي باڪس ڏيکاري ٿو. ياد رهي ته هي مسئلو صرف ٽويٽر تي نظر آيو. ڪنهن دوست کي خبر هجي ته مسئلي جو حل ٻڌائي. هيٺ اسڪرين شاٽ ڏجن ٿا. عبيدالله ”عبيد“ ٿهيم ذيشان رشيد
ادا توهان جي مٿي ڏنل تصوير مان ئي لڳي ٿو ته توهان وٽ ايس.ايس.ريڊ غيرفعال ٿيل آهي.. توهان ايس.ايس.ريڊ انسٽال ڪريو يا فعال ڪريو پو نظارو ڪجهه ٻيو هوندو.
توهان صحيح ٿا چئو ته مون وٽ ايس.ايس.ريڊ غير فعال ٿيل آهي.هي مسئلو پوسٽ ڪرڻ کان پهرين مون ايس.ايس.ريڊ فعال ڪري چيڪ ڪري ڏٺو هو ته برابر سنڌي اکر صحيح نظر پئي آيا. مگر جنهن ڳاله مونکي پريشان ڪيو آهي اها هي آهي ته انهي کان اڳ ۾ به مون وٽ ايس.ايس.ريڊ انسٽال ٿيل ۽ غير فعال ٿيل هو پو ڇو هي مسئلو ظاهر نه پئي ٿيو.آخر اچانڪ هي مسئلو ڇو نظر آيو. وڌيڪ مان اهو به ٻڌائيندو هلان ته هي مسئلو صرف منهنجي ونڊوز 10 ليپ ٽاپ ۽ ٽوئيٽرتي نظر آيو آهي جڏهن ته ٻين سسٽمز تي هي مسئلو نظر نه پيو اچي.
توهان وٽ ٻيا ڪي ايڪسٽينشنز انسٽال ٿيل هوندا يا ڪروم جو اپڊيٽڊ يا پُراڻو ورجن انسٽال ٿيل هوندو.. مطلب ته ڪروم برائوزر جي ورجن جو به چڪر هوندو آهي.
ادا پسند پسند جي ڳاله آهي. ٽوئيٽر تي اردو جو ڏيک بغيرايس ايس ريڊ ايڪسٽينشن جي ٽوئيٽر تي اردو جو ڏيک ايس ايس ريڊ اڪسٽينشن سان
يار سمجه نٿو اچي ته آخر هي ڇا جو چڪر آهي. اڄ ٽوئيٽر تي (مهراڻ) لفظ لکي سرچ ڪيم ته (م) صحيح نظر آيو. جڏهن ته پروفائيل تي (م) جي جڳه تي خالي باڪس ڏيکاري ٿو.
