اڄُ نه اوطاقن ۾ ٿا طالب تنوارين، آديسي اُٿي ويا مڙهيون مون مارِين، جيڪي جيءَ کي جِيارِين ، سي لاهُوتِي لَڏي ويا... سنڌسلامت تي ڪاڪي آچار جي اوطاق ڪنهن وقت ۾ تمام مچيل اوطاق هوندي هُئي جتي ڪچهريءَ جا مور دل پيا وندرائيندا هُئا، پر اڄ الائي ڪنهن جي نظر لڳي وئي جو ڪاڪي آچار جي اوطاق ۾ ڪير اچڻ لاءِ به تيار ناهي، مان آيم پئي ته ڏٺم اوطاق جو دَرُ کُليل آهي سوچيم اندرُ ڪو مور ويٺو هوندو پر اوطاق ۾ صرف ڪبوترن جي ٻولي ۽ ڪاڪي آچار جون يادون ئي پيل آهن، هئه ڙي ڪاڪا آچار توهان جي ڪچهري.. ماضيءَ ياد ڏياري ڇڏيندي هُئي.. هاڻ ته نه ئي توهان ٿا لڀو نه ئي ڪچهريءَ جا ٻيا مورَ.. آئون به هِي خطڙو ڇڏيو وڃان پيو اوطاق ۾ ، جيڪڏهن ڪاڪو آچار وڏن شيشن واري عينڪ اکين تي چاڙهي پڙهي ته ڏاڍي خوشِي ٿيندي.. جيڪڏهن ڪو ٻيو پڙهي ته ان کي عرض ڪندس، ادا ڪچهري نه ڇڏيو! اوطاق مچايو.. اسان جي سنڌ جي ثقافت ۾ شامل آهي اسان جي اوطاق..
ادا عبيد ٿهيم ڪاڪوآچار يقينن ايندو ۽ تنهنجو خطڙو جنهن جو رواج هاڻي بلڪل ختم ٿي چُڪو آهي ، من پڙهي وٺي نه ته آسرو گهٽ آهي ، جڏهن اي ميل ، فيس بُڪ تي پرسنل ميسيج، موبائل تي ايس ايم ايس جو رواج آيو ته خطڙن کي ڀلا ڪير پڙهندو. ڪاڪو آچار جتي به هُجي ادا عبيد ٿهيم جو خطڙو ٻيلي ضرور پڙهي ، مون جهونڙي سميت جيڪي به ڪاڪي آچار جي اوطاق کان مُنهن مَٽي ويا آهن سي يار ڪاڪي آچار کي وري نئون جيئدان ڏين ته مهربانيون ٿينديون . باقي جڏهن کان عالمي اوطاق فيس بُڪ جو رواج پيو آهي تڏهن کان دنيا جي هر ٻي اوطاق ۾ اڄ نه اوطاقن ۾ ٿا طالب تنوارين لڳي پئي آهي خير ادا عبيد ٿهيم جون مهربانيون جوهن اسان کي پنهنجي فرضن جي ادائيگي جي يادگيري ڏياري. لک ٿورا
ها يارو سچ ٿا چئو ٻيو ته ٺهيو پر ڪاڪي اچار وانگي محترم سائين نثارناز هن محبتي اوطاق کان منهن مٽي انٽرنيشنل اوطاق وڃي وسائي آهي ، دعا آهي ته شال سدا سلامت هجو ، مرڪندا رهو
انٽرنيشنل اوطاق تي آئون به چوويھ ڪلاڪ ويٺو هوندو آهيان، ڇوته اُها گَسَ ۾ سولي ٿِي پوي، ايندي ويندي دُعا سلام رکندو اچان، پر ڪاڪي آچار جي اوطاق تي ته مزو ئي الڳ آ.. پو ڀلي کڻي اوطاق روڊ کان ٿورو پَري ڪَچي ۾ ٿِي پَوي پر آهي ته پنهنجي سِنڌي اوطاق نه... شال جُڙيا هُجو
ڪاڪي آچار کي سنگت جو خط ملي ويو بابلا، مست جي خبر ايجنسي کي خبر پئي آهي ته ڪاڪو آچار بس سڏ پنڌ تي آهي، اجهو ڪي آيو
