1ـ هي رهزن هي رت چوس هي ڪرنيل ڪاڻا، هي بابر ءِ نادر جا نسلي نياڻا، هي منگول تاتارين جي تخم جا، هي حجاج يوسف جا نوڪر پراڻا، نئين سر وري دين جا پائي چوغا، اسان کان نمازن جا ڪن ٿا پڇاڻا. 2ـ جنين ڪعبو قبلو آهي آمريڪا، مهانڊن ۾ پڻ جيڪي سوئر سريکا، جنين ساري ڌرتي تي ڌاڙڻ هڻن لاءِ، لتاڙيا سڀيئي لانگ بوٽن سان ليڪا، جنين جي هٿن ۾ نه آ ڄائي ڄم کان، ڪوئي لڄ ليڪو، نڪا رهم ريکا، اهي اڄ خدا جا ٿي نائب نماڻا، اسان کان نمازن جا ڪن ٿا پڇاڻا. هي وحشي بکيا ءِ ٽڪن تي وڪاڻل، سامراجينسعودين جي ٽڪرن تي پاليل، هي غداار گولا، هي غيرت کان وانجهيل، هي بگھڙ هي درندا، هي ڄاتل سڃاتل، هي تهذيب اخلاق رشتن جا قاتل، هي معصوم ٻارن جي مرڪن جا قاتل، هي بيواه نارين جي چوڙين قاتل، هي مجبور ٻڍڙين جي آهن جا قاتل، هي مظلوم قومن جي مائن جا قاتل، هي آزاد چنچل هوائن جا قاتل، هي فڪر ءِ فهم جي خدائن جا قاتل، هي خوشي جي خالق خدائن جا قاتل، هي چوڙيلي چوڙيلي ٻانهن جا قاتل، هي ڌرتي ديسن جي دانهن جا قاتل، نماڻين نماڻين نگاهن جا قاتل، هي چمين جا قاتل هي چاهن جا قاتل، هي ساهن جي خوشبو هڳائن جا قاتل، هي گھنگھور گدلين گھٽائن جا قاتل، هي رونئشن جي ريتن ءِ راهن جا قاتل، هي وعدن وصالن وفائن جا قاتل، هي رومالن جي تحفن ءِ ڇلڙن جا قاتل، سدا گڏ گذارڻ جي قسمن جا قاتل، هي راکين جي رنگن ءِ رسمن جا قاتل، هي ڌرتي جي سونهن ءِ جوڀن جا قاتل، هي پوپٽ جي پرڙن ءِ ڀئورن جا قاتل، هي برکا ۾ ڀڄندڙ ڀوڀورين جا قاتل، هي مکڙين تي ماڪن جي قطرن جا قاتل، هي موتئي گلابن جي پن پن جا قاتل، هي سارين جي ڪڪرن ۾ لهرن جا قاتل، هي بلبل جي بيضن جي موتين جا قاتل، هي رنگن روشنين جي کڙڙٻيتن جا قاتل، هي ڪينجهر جي پاڪيزه ڪنولن جا قاتل، هي سنڌو جي آب زم زم جا قاتل، هي زلفن هي شبنم هي پونم جا قاتل، هي سانوڻ جي رم جهم، هي کنوڻين جا قاتل، هي رڻ ڪڇ جي رولاڪ هرڻن جا قاتل، هي ٿر جي سدا مست مورن جا قاتل، هي گابن جي گھنڊڙين ءِ گھيٽن جا قاتل، کرن جا هي قاتل هي کيٽن جا قاتل، چانڊاڻ چونرن ءِ چيٽن جا قاتل، هي پورهيت پهنوارن جي پيٽن جا قاتل، هي پتڪڙن ٻارڙن جي سليٽن جا قاتل، هي ڳيرن ڪبوترن ءِ ڪونجن جا قاتل، هي تن جي پڙاڏن ءِ گونجن جا قاتل، هي سوچن جا قاتل هي ذهنن جا قاتل، هي ڪاغذ هي قلمن هي هي لفظن جا قاتل، هي دانائي ڏاهپ ءِ علمن جا قاتل، هي تاريخ جي سرخ بابن جا قاتل، نون نظرين ءِ نصابن جا قاتل، هي ماڻهو جي مڙني مهابن جا قاتل، هي عقل فلسفي جي ڪتابن جا قاتل، دليلن سان ملندڙ جوابن جا قاتل، هي ڪونڌر ڪنوارن خوابن جا قاتل، هي ڪلا جي خدائن جا قاتل، هي ميران ءِ تلسي جي دوهن جا قاتل، اياز ءِ نذرل جي نغمن جا قاتل، هي بلي هي باهو فريدن جا قاتل، هي ٽئگور ساحر ڪبيرن جا قاتل، بلاول عنايت جي جهوڪن جا قاتل، هي ٻاٻاڻي ٻولن ءِ ٻولين جا قاتل، هي گھوٽ ۾ گھاگھر گھڙولين جا قاتل، هي ڊاٽين جا قاتل هي ڍولين جا قاتل، سهاڳن جي سهرن سجوڙن جا قاتل، هي امڙين جي آغوش جهولين جا قاتل، چار ديواري چادر ءِ چولين جا قاتل، اباڻن جي عيدن ءِ هولين جا قاتل، هي لاڏن جا لائون ءِ لولين جا قاتل، هي رت ساڻ رم جهم کٽولين جا قاتل، ءِ ماتامي مارن جي مولهين جا قاتل، هي شهنائي دهلن جي گوڙن جا قاتل، هي ميندين جا قاتل هي موڙن جا قاتل، هي ستارن جڙيل سرخ جوڙن جا قاتل، نکيٽي جي وڻندڙ وڇوڙن جا قاتل، هي گھوٽن جا قاتل هي گھوڙن جا قاتل، هي قاتل هي مڙسن ڀلوڙن جا قاتل، هي هزارن لکن ءِ ڪروڙن جا قاتل، هي لاکاٽ ميهڙ ءِ مورن جا قاتل، ڪراچي ٺٽي ءِ ڄامشورن جا قاتل،
