مزاحيه نظم يار بچجان: جمن ڊي بلوچ يار بچجان شيخ رشيد جي جملن کان ماهي فقير جي رملن کان بدر منير جي پشتو فلمن کانڍ يار بچجان 2 نادرا وارن جي نخرن کان واپڊا جي بلن ڳرن کان ٽريزري وارن جي چڪرن کان يار بچجان 3 سيڪريٽري تعليم کان ايمپائر ڊار عليم کان مصالحي واري حليم کان يار بچجان 4 دادا ڀائي واري چڙھائي کان ميرپور خاص جي ڪڙھائي کان سرڪاري اسڪولن جي پڙھائي کان يار بچجان 5 فيس بوڪ جي شاعرن کان خطري واري سائرن کان جمن جواري ڀائرن کان 6 ڪامريڊ جيالن کان اڱاري پڙي جي دلالن کان ڇوڪرين جي مس ڪالن کان 7 ٽنڊو آدم ٽنڊو الهيار رستي کان چائنيز موبائيل خريدڻ سستي کان سيکڙاٽ ڪنهن حجم اوستي کان 8 سياستدان جي روز روز ڏٽي کان يوٽيليٽي اسٽور جي اٽي کان ڪرڪيٽ راند جي سٽي کان 9 عشق جي آزار کان ضياء جي مزار کان حسن واري بازار کان 10 امداد سرڪاري کان موٽر تي ٽيلھ سواري کان رسم ڪارو ڪاري کان يار بچجان يار بچجان
#___________غزل By : Deedar Masoom ٿو کَپي مُون کي سَهارو چَنڊَ جو ، آ تَڏهن وَرتو ڪِنارو چَنڊ جو . دِيدَ آ دَهليز تي اَٽڪي پئي ، ڪُجه چَوي پيو اَڄُ اِشارو چَنڊَ جو . تَونس جي هر وارتا آهي عَجب ، ڇو نَہ ٿَي هَرڪو اڃارو چَنڊَ جو . ڪِين ڪَر بيدار منهنجي روحَ کي ، مان ڏٺو آهي نِظارو چَنڊَ جو . رَقص ٿئي ٿو آسمان جي صحن تي . ٿو وڻَي سڀ کي نغارو چَنڊَ جو ، سڀ خوشون مونکان وٺو مونکي ڏجو ٽهڪ هڪڙو بس اڌارو چَنڊَ جو . بس دعائون ٿو گهران الله کان ، شال بڻجان مان بہ پيارو چَنڊَ جو . هِي وڏي واڪي چوي “معصومُ“ ٿو ، ٿي نَہ سَگهندو ڪو دُلارو چَنڊَ جو .
