باڪسنگ رِنگ ۾ پنهنجي مخالفن کي مات ڏيندڙ باڪسنگ جو ٽي ڀيرا عالمي چيمپيئن رهندڙ عظيم رانديگر محمد علي آخرڪار موت هٿان مات کائي 74 سالن جي عمر ۾ لاڏاڻو ڪري ويو. آمريڪي رياست ڪينٽڪي سان تعلق رکندڙ ڪيسيئس ڪلي 1964ع ۾ پهريون ڀيرو عالمي چيمپيئن بڻيو ۽ ٻئي ڏينهن ئي هن اسلام قبول ڪري ورتو. محمد علي 61 مقابلن ۾ حصو ورتو جن مان هن 56 ۾ ڪاميابي حاصل ڪئي. 1981ع ۾ بيماريءَ سبب هن رٽائرمينٽ جو اعلان ڪيو. هن کي اسپورٽس مين آف دي سينچري، اسپورٽس پرسنلٽي آف دي سينچري سميت ڪيئي اوارڊ ۽ خطاب مليا. محمد علي هڪ شاعر ۽ شهري حقن جو علمبردار هو.
1982 ڌاري جڏهن دنيا جو عظيم باڪسر محمد علي ڪراچي آيو هو ته ، هن کي سنڌ جي عظيم ثقافت اجرڪ ۽ ٽوپي پارائي سندس آجيان ڪئي وئي هُئي تاريخ جي هر دور ۾ سنڌ پنهنجي عظيم ثقافت سان دنيا جي عظيم ماڻهن جو سواگت ڪيو آهي
محمد علي صاحب ويٽنام ۾ جنگ وڙهڻ کان انڪار ڪيائين ۽ چيائين ته مان بي گناه ماڻهن کي نه ماريندس، ۽ جبري فوج ۾ وڃڻ کان انڪار ڪيائين، ۽ ڪيس لڙيو ۽ ڪيس کٽيائين، ۽ اڄ آمريڪا هن کي هڪ هيرو جي نظر سان ڏسي رهيو آهي، جيڪا سندس مجبوري بڻجي وئي آهي،
