هيءَ به ته هڪ ماءُ آهي نه جيڪا پنهنجن ستن ئي ٻچڙن کي ڏينهن ۾ ڪيترا ڀيرا کير پيئارڻ سان گڏ بي پناھ محبت ٿي ڪري ۽ انهن جي پيدائش کان پوءِ انهنجي حفاظت لاءِ انهن کي ستن جاين تي وڃي لڪائي رکي ٿي پوءِ سردي يا گرمي کان بچڻ لاءِ پنهنجي ڇاتي وڇاڻو ڪري انهن کي گرمي مهيا ڪري ٿي ۽ هلڻ گهمڻ کانپوءِ اگر گرمي جي موسم آهي ته هيءَ انهن کي پاڻ سان گڏ قدرتي هوا ۾ گهمائي ڦيرائي ٿي ۽ پالي وڏو ڪري جواني تائين رسائي ٿي... ، ۽ وڏي ڳالھ ته سال ۾ ٻه دفعا ڪيترن ئي ٻچن کي جنم ڏئي ٿي حيوان ٿي ڪري به نه هنجي پيار ۾ڪوتاهي نظر اچي ٿي نه ڪڏهن بيزار ٿئي ٿي ۽ پنهنجون سموريون ذميواريون بخوبي نڀاهي ٿي ! مان انهن امڙين ۽ مائرن کي مخاطب ٿي ادب مان عرض ڪرڻ چاهيندس جن جا صرف هڪ ٻه ٻار آهن ته خدارا گلن جهڙن ٻاڙن کي ڪڏهن به جهڻڪ نه ڏيو ۽ انهنجي بهترين پرورش سان گڏوگڏ معصومن کي سٺن اخلاقن سان سينگاريو پوءِ بهترين تعليم ڏئي انهنکي مستقبل جو معمار بڻايو ،ڪوڙ ڳالهائڻ يا ڌوڪيبازي ،چوري وغيره برا فعل ٻار اسانکان ئي سکندا آهن ، اگر اسان ۾ ڪوڙ جي بيماري هوندي ته يقيني طور ٻار به ڪوڙ ڳالهائيندو ،اسان ڌوڪيباز آهيون ته ٻارن تي به اهو اثر ٿيندو ، ڇا ڪو به والدين چاهيندو ته انجو ٻار وڏو ٿي چور يا ڌوڪيباز ٿئي !?
