ڇا توهان جو فيس بوڪ کاتو ڪو ٻيو به استعمال ڪري پيو؟

[رشيد سمون]

ڇا توهان کي هميشه ان ڳالهه جو خدشو رهي ٿو ته توهان جو فيس بوڪ کاتو ڪو ٻيو به استعمال پيو ڪري.. يا
توهان جي حساس طبيعت بار بار توهان جي فيس بوڪ کاتي جي سيڪيورٽي تي آڱريون کڻندڙ آهي... يا
توهان ڪنهن دوست جي موبائيل يا ڪمپيوٽر تان فيس بوڪ تي لاگ ان ٿيا ته هجو پر بجلي وڃڻ ڪري لاگ آئوٽ ٿيڻ وسري ويا هجو.. يا
توهان سوچيندا هجو ته ڪيڏو نه ڀلو ٿئي ها جو ڪٿي به لاگ ان ٿيڻ کي ريموٽلي لاگ آئوٽ ڪرڻ توهان جي هٿ ۾ هجي ها..؟
جي مٿين مان ڪنهن به هڪ ڳالهه ۾ توهان جي دلچسپي آهي ته هي موضوع توهان لاءِ آهي...

پنهنجي فيس بوڪ کاتي تان لاگ ان ٿيو ۽ مٿي ساڄي پاسي موجود ننڍي تير جي نشان تي ڪلڪ ڪندي کلندڙ مينو مان سيٽنگ تي ڪلڪ ڪريو...

​

جنهن سان توهان سيٽنگ پيج تي اچي ويندو جتان سيڪيورٽي ٽيب تي ڪلڪ ڪريو.. ۽ ساڄي پاسي موجود ونڊوز پين مان Where You’re Logged In سيڪشن اڳيان موجود Edit بٽڻ ڪلڪ ڪريو..

​

هتي اچي توهان ڏسي سگهندو ته هن وقت توهان ڪهڙي جاءِ تان ۽ ڪيترين ڊيوائيسز تي توهان لاگ ان آهيو.. توهان چاهيو ته هر سيشن جي آخر ۾ موجود لفظن End Activity تي ڪلڪ ڪري ان ڊيوائيس تان ريموٽلي لاگ آئوٽ ٿي سگهو ٿا..

​

ان کانسواءِ جيڪڏهن توهان چاهيو ته آئنده جڏهن به توهان يا ڪو ٻيو توهان جي فيس بوڪ کاتي تان ڪنهن به ڊيوائس تان لاگ ان ٿئي ۽ اهو اطلاع توهان کي پهتو ٿئي ته ... سيڪيورٽي ٽيب تي رهندي ئي Login Alerts سيڪشن جي آخر ۾ موجود Edit بٽڻ ڪلڪ ڪريو..

​

هتي اچي توهان فيصلو ڪريو ته لاگ ان ٿيڻ جو اطلاع فيس بوڪ تي ئي نوٽيفڪيشن جي صورت ۾ حاصل ڪندو يا اي ميل تي اطلاع نامي طور حاصل ڪندو.. ايتري قدر جو توهان لاگ ان ٿيڻ جو اطلاع موبائيل فون تي ميسيج جي صورت ۾ پڻ حاصل ڪري سگهو ٿا... ضروري تبديليون ڪندي Save Changes بٽڻ تي ڪلڪ ڪريو..

​

ائين توهان جو فيس بوڪ کاتو وڌيڪ محفوظ ٿي ويندو.. اميد ته هي آرٽيڪل توهان لاءِ لاڀائتو ثابت ٿيندو.. توهان جي تعريفي تنقيدي راين جو انتظار رهندو..

 

[عبدالغني لوهار]

لک قرب سهڻي معلومات ، جاري رکو . سدا سلامت هجو

 

[علي ظفر]

تمام ٻهترين ڪوشش ادا

 

[عبدالحفيظ لغاري]

هميشه جيان هڪ معلوماتي ليک

 

[سجاد علي خاصخيلي]

تمام بهترين معلومات آهي.........

 

[عزيزالله ميمن]

بهترين

 

[شبير ساگر]

معلوماتي ادا