****سعادت حسن منٽو**** ڪتاب : سياه حاشيي افسانچي ترجمو : عبيد ٿهيم **** پهرين واردات ناڪي واري هوٽل وٽ ٿِي.. تڪڙ ۾ اُتي هڪ سپاهيءَ جو پهرو لڳايو ويو.. ٻين واردات ٻئي ڏينهن شام جو اسٽور جي سامهون ٿِي... سپاهيءَ کي پهرين جاءِ تان هٽائي ٻِي جاءِ واردات تي پهرو ڏيڻ لاءِ رکيو ويو. ٽيون ڪيس رات جو ٻارهين وڳي لانڊري وٽ ٿيو.. جڏهن انسپيڪٽر سپاهيءَ کي نئين جڳهه تي پهرو ڏيڻ جو حڪم ڪيو ته هُن ڪُجھه سوچڻ کان پوءِ چيو : ”مونکي اُتي بيهاريو وڃي جتي نئين واردات ٿيڻ واري آهي..“
