منصور سرور
سينيئر رڪن
نيو يارڪ (ويب ڊيسڪ): واٽس ايپ چيو آهي ته هو ننڍين ڪمپنين ۽ مختلف ڪاروباري فرمز لاءِ هڪ نئين بزنس ايپ ٺاهي رهيو آهي، جنهن جي ذريعي مختلف ڪاروباري ڪمپنيون پنهنجي واهپيدارن سان رابطي ۾ رهي سگهنديون، جرمن خابرو اداري مطابق واٽس ايپ هاڻي باقاعده بزنس ايپ ذريعي واهپيدارن ۽ ڪمپنين وچ ۾ عام رابطي جو هڪ پليٽ فارم مهيا ڪري رهيو آهي، جتي مختلف ڪمپنيون جهڙوڪ ايئر لائنز، اي ڪامرس سائيٽ ۽ بينڪ وغيره پنهنجي صارفين کي مختلف معاملن بابت اپ ڊيٽ، نوٽيفڪيشن ۽ ڊليوري ڪنفرميشن وغيره ڏيئي سگهنديون، واٽس ايپ جي چيف آپريٽنگ آفيسر ميٽ ايڊما جو چوڻ هو ته واٽس ايپ پوري دنيا ۾ موجود ماڻهن لاءِ رابطو تمام آسان بڻائي ڇڏيو آهي ۽ هاڻي اسين پنهنجي صارفين لاءِ اها آساني پيدا ڪري رهيا آهيون ته هو تمام بهتر ۽ آسان طريقي سان ڪمپنين سان رابطي ۾ رهي سگهندا. واضح رهي ته واٽس ايپ تازو ئي بزنس اڪائونٽس تي ويريفائيڊ ٽڪ جي خاصيت جي شروعات به ڪئي هئي.