اچاريوچپن

[رسول بخش دائودپوٽه]

اچاريوچپن سان ته واه واه وڃي ٿي
لکو جي سٽن سان ته واه واه وڃي ٿي

چيا گيت جيڪي اوهان جي سکن لئه
ڪتابي هي چهرو منهنجي خطن لئه
لکان سڀ اهي گيت پنهنجي وطن لئه
ڏسان سنڌ اکين سان ته واه واه وڃي ٿي

اسان گيت سنگيت سنسار سارو
ملي جي محبت ڪري پيار پيارو
هجون ساٿ سان نه ٿي ڪو ڪنارو
هڻي مهندي هٿن سان ته واه واه وڃي ٿي

اهي گيت منهنجا گفتار تو لئه
سڪن ٿا سڪن ٿا حبدار تو لئه
هجي سک سڄو هي سنسار تو لئه
هجين تون گگن سان ته واه واه وڃي ٿي

امر گيت منهنجو تڏهن يار ٿيندو
اوهان کي انهن سان جڏهن پيار ٿيندو
سڄولوڪ تن لئه پو طلب گار ٿيندو
هجي حب وطن سان ته واه واه وڃي ٿي

نه دنيا جا ڏک هي اسان کي منجهائن
نه دردن جا دهمان اسان کي ستائين
لبستم سان ڀلي هو ڏيئي ڏک اچائين
سنڀاريو سخن سان ته واه واه وڃي ٿي

لبستم دائودپوٽه