روٽا وائرس روٽا وائرس ڇا آهي ؟ هيءَ دستن يا گُھمرن وانگر هڪ بيماري جو قسم آهي ، جيڪا عام طرح سان هڪ وائرس ( روٽا وائرس) جي ڪري ٿيندي آهي . خراب صورتحال دستن جي هيءَ بيماري عام طرح سان تازن ڄاول ٻارڙن توڙي گھٽ عمر وارن ٻارڙن ۾ عام طور تي ٿئي ٿي ، 2013 ۾ 49% سيڪڙو موت جي شرح روٽا وائرس جي ڪري 4 ملڪن ۾ ظا هر ٿي آهي ، جن ۾ پاڪستان ، ڀارت ، نائجيريا ۽ ڪانگو شامل آهن . خطرو . ٽن مهينن جو تازو ڄاول ٻار جسماني ڪمزور ۽ خوراڪ جي ڪمي جي ڪري اڪثر ڪري ٻن سالن کان گھٽ عمر جا ٻار شڪار ٿين ٿا . علامتون . روٽا وائرس جون ٽي خاص علامتون ٿين ٿيون . بخار ، ڪمزوري ، پاڻياٺ جهڙا دست ، پيٽ يا معدي جي تڪليف جو ظاهر ٿيڻ . عام قسم جا دست 3 کان 7 ڏينهن کانپوءِ ختم ٿين ٿا ، ۽ نوجوان ٻارن دست ٿيڻ جي صورت ۾ جلد کان جلد ڊاڪٽر وٽ وٺي وڃجي . بچاءُ . روٽا وائرس ويڪسين هڪ خاص طرح جي ٽيوب جي شڪل ۾ تيار ڪيل عام ويڪسين جيان پاڻياٺ جي صورت ۾ هر وقت پياري سگھجي ٿي جيڪا 1 ٽيوب هڪ ڊوز جي برابر آهي . ( 1.5 ملي لٽر ) لاڳاپيل اثرات . روٽا وائرس ويڪسين هڪ محفوظ ويڪسين آهي ، جنهن جي ڪري ڪو به خراب اثر يا غير معمولي واقعو ظاهر نٿو ٿئي ، تيز بخار ۽ بک جو نه لڳڻ عام طرح جا اثرات ٿي سگھن ٿا . ٿڌي رکڻ جو انتظام . روٽا وائرس ويڪسين جي فائدي تي ناڪاري اثر نه ٿيڻ جي صورت ۾ ان سان گڏ ٻيون به ويڪسين ڏئي سگھجن ٿيون ، ويڪسين کي هميشهه 2 کان 8 ڊگري سينٽي گريڊ ۾ رکيو وڃي ، روٽا وائرس ويڪسين کي ريفريجيٽر جي مٿئين حصي ۽ فرج جي اڳيان وچولي حصي ۾ رکڻ ضروري آهي . ترتيب ۽ طريقو روٽا وائرس ويڪسين پينٽا 1 ۽ 2 سان گڏ 6 کان 10 هفتن جي عمر جي ٻارن کي ڏيڻي آهي . روٽا وائرس ويڪسين 2 سالن جي عمر تائين وارن ٻارن ڏني ويندي . نگهباني ۽ نظرداري سڀ کان پهرين ويڪسين جي مدي خارج واري تاريخ جي پڪ ڪريو ۽ VVM کي ڏسو . ٽيوب جي ڍڪ کي کوليو ٽيوب جي ڍڪڻ جي مٿئين حصي ۾ رهيل دوا کي هيٺ ڪريو کان پوءِ ٽيوب جي ڍڪ کي (180 ) ڊگري تي گھمايو ( هيٺيون حصو مٿي ۽ مٿيون حصو هيٺ ڪريو ) ان ڍڪ کي ٽيوب جي مٿان رکڻ کان پوءِ ڍڪ کي ٽيوب جي هلڪي تهه جي مٿان زور لڳائي ان کي کوليو ، کولڻ کان پوءِ ڏسو جيڪڏهن اهو تهه نه کليو آهي ته وري ٻيهر کوليو . بوتل کي ٻار جي وات تائين اهڙي طرح پهچايو جيئن اها هارجي نه پوي ، دوا ٻار جي نڙيءَ ۾ داخل ڪريو . آهستي آهستي ۽ صحيح طرح سان د اخل ٿي وڃي . نوٽ . جيڪڏهن ٻار الٽي ڪري يا هاري ڇڏڻ جي صورت ۾ يا عملي جي غلطي يا ڪنهن ٻئي سبب جي ڪري جيڪڏهن ٻار کي ويڪسين صحيح طرح سان نه ڏئي سگھجي ، ته ٻيهر ضروري نه آهي .
