لوڪ ساري ٿَي ڏٺو، هي دِيد جو دوکو نه هو

'سنڌي شاعري' فورم ۾ سليمان وساڻ طرفان آندل موضوعَ ‏21 ڊسمبر 2017۔

  1. سليمان وساڻ

    سليمان وساڻ
    مينيجنگ ايڊيٽر
    انتظامي رڪن لائيبريرين

    شموليت:
    ‏6 آڪٽوبر 2009
    تحريرون:
    16,814
    ورتل پسنديدگيون:
    27,200
    ايوارڊ جون پوائينٽون:
    533
    ماڳ:
    سچل ڳوٺ ، ڪراچي

    غزل

    مقصُود گُل

    لوڪ ساري ٿَي ڏٺو، هي دِيد جو دوکو نه هو
    باهه ڏيندڙ باغ کي پنهنجو ته هو، ٻيو ڪو نه هو

    مطلبي انسان جا سڀ رُوپ ظاهر ٿي پيا
    جڳ ڏٺو هو جابجا، خود غرض ٿيو ڪنهن جو نه هو

    هُن چيو ”مذهب“ هُجي ۽ مُون چيو ”انسانيت“
    سمجهَه جو ڦيرو هُيو، بس ٻيو ته ڪو جھڳڙو نه هو

    چنڊ تي پهتو وڃي، جھنڊو هڻي ڌرتيءَ لٿو
    عرش وارن ڀي ڏٺو، ”انسان“ هو، ٻيو ڪو نه هو

    هورڙيان پيرن منجھان ڌرتي وڃي پئِي کِسڪندِي
    پر اسان جي دوستن کي ڪو اڃا اُلڪو نه هو

    مُلڪ جو نئين سر بڻايو آهه نقشو سازشن
    مُون ڏٺو جاچي ته اُن ۾ سنڌ جو نقشو نه هو

    هيٽرن تي بند ڪمرن ۾ سُتا، ڪنهن جا ڪُتا
    ڪنهن جي ٻچڙي کي لُرِيءَ ۾ جسم تي چولو نه هو

    ڪاغذي ”گُلَ“ کوڙَ گڏُ گُلدان ۾ مهڪن پيا
    پر ڪٿي ڪمري اندر سُرهاڻ جو سونچو نه هو
     
    محمد راشد شر هيء پسند ڪيو آهي.
  2. محمد راشد شر

    محمد راشد شر
    سينيئر رڪن

    شموليت:
    ‏22 مارچ 2015
    تحريرون:
    214
    ورتل پسنديدگيون:
    277
    ايوارڊ جون پوائينٽون:
    163
    ڌنڌو:
    لکپڙه
    ماڳ:
    سچل ڳوٺ ڪراچي
    وقت جي حساب سان بهترين چونڊ
     
    سليمان وساڻ هيء پسند ڪيو آهي.

هن صفحي کي مشهور ڪريو