ٻول : من گهريئي مشتاق سان جيئري جدايون ڪي مَ ڪر

ڪي ويجھا ئي ڏُور، ڪي ڏور به اوڏا سپرين،
ڪي چڙهن نه چت تي ڪي وسرن نه مور،
جيئن مينهن ڪُنڍيءَ پُور، تيئن دل وراڪو دوست سان.
***

من گھُريئي مشتاق سان،
جيئري جُدايون ڪي مَ ڪر۔

جيسين دم جيئرو هُجان،
پل نه ٿِي مونکان پري،
واسطي الله جي،
تون وڃڻ وايون ڪِي مَ ڪَر.

( ڪٿان سکئين سپرين، تون ڪاسائيءَ واري ڪارَ،
تکي ڪاتِي هٿ ۾ تون مڏيءَ سان نه مار،
چيري چَم نهار، جنهن ۾ رتي به ناهي رَتَ جِي.)


حُسن جي سرڪار ۾،
حاڪم رهن هو صاحب سدا،
اي ميان! صاحب ڏِنا،
در در گدايون ڪِي مَ ڪر.




​

ٻول : حضرت صاحب ڏِنو شاھ
آواز : استاد محمد يوسف

 

ڪي ويجھائي ڏور ڪي ڏور به اوڏا سپرين،
ڪي چڙهن نه چت تي، ڪي وسرن نه مُور،
جيئن مينهن ڪُنڍي پُور، تيئن دل وراڪو دوست جو.
**

من گھريئي مشتاق سان،
جيئري جدايون ڪِي مَ ڪر.

جيسين دم جيئرو هُجان، پل نه ٿِي او مونکان پري،
واسطي الله جي، وڃڻ وايون ڪِي مَ ڪَر.

آهي اُميد هِيءَ مُون، ديدارُ دلبر جو پَسان،
بِرَھ وارن ساڻ بيحد بيوفايون ڪِي مَ ڪر.

حسن جِي سرڪار ۾، حاڪم رهن صاحب سدا،
اي ميان صاحب ڏِنا! در دَر گَدايون ڪِي مَ ڪَر..

​

آواز : دُشنت آهُوجا صاحب