* 1972 ۾ سنڌ اسيمبليءَ بل بحال ڪري سنڌيءَ کي ”صوبائي سرڪار جي ٻولي“ (اڪيلي) قرار ڏنو هو پر پوءِ جي حڪومتن ان تي عمل ڪونه ڪيو: ممتاز ڀٽو، اڳواڻ پاڪستان تحريڪ انصاف ـ * ايندڙ عام اليڪشن: ايم ڪيو ايم جي سنڌ جي وڏي وزير ۽ پاڪستان تحريڪ انصاف جي اسپيڪر کي بڻائڻ لاءِ ڏسڻا وائسڻا سنڌي سياستدان سرگرم ۽ اهڙي حڪمت عملي تيار ڪري ورتائون: روزاني عوامي آواز، ڪراچيءَ جي ليڊ اسٽوري ـ * ڇا ايم ڪيو ايم جو سنڌ جو وڏو وزير، سنڌ جو سچو خيرخواهه هوندو؟ جواب آهي: هرگز نه ـ اها سنڌ سان وڏي دشمني هوندي (منهنجو تبصرو) ـ * عمران خان تي ”ڪراچي ۽ سنڌ“ جو ڀوت سوار. چي: طاقت ۽ دولت ذريعي اقتدار ۾ ايندڙ ”ڪراچي يا سنڌ“ جي قسمت نٿا بدلائي سگھن ـ * پاڪستان سک ڪائونسل جي سربراهه گھر ڪئي ته سنڌ ۾ سکن لاءِ شادين جو نئون قانون ٺاهيو وڃي. رڳو پنجاب ۾ اهڙو الڳ قانون موجود آهي پر ڀارت ۾ به ناهي ـ * وفاقي سرڪار جي، سنڌ ـ دشمن اداري واپڊا جي نجڪاري جو جڏھن به اعلان ٿيندو آهي ته واپڊا جا سنڌي ملازم ان کي بچائڻ لاء زبردست احتجاج ڪندا آهن ۽ اهو ڪونه ڏسندا آهن ته ان اداري جي برقرار رهڻ سان سنڌ کي ڪيترن ورهين تائين ڪيڏو نه وڏو نقصان پهتو آهي (منهنجو تبصرو) ـ *ڀارت جي قومي تراني مان ”سنڌ“ لفظ هٽائي ”نارٿ ايسٽ انڊيا“ شامل ڪرڻ لاءِ ڪانگريس جي ايم پي جو خط ـ
