ڪريمن جا قرب

'سنڌي شاعري' فورم ۾ jamot طرفان آندل موضوعَ ‏8 جولائي 2010۔

  1. jamot

    jamot
    سينيئر رڪن

    شموليت:
    ‏21 نومبر 2009
    تحريرون:
    135
    ورتل پسنديدگيون:
    28
    ايوارڊ جون پوائينٽون:
    388
    ماڳ:
    ڪراچي
    منظوم ڪلام

    خواجه محبوب سڄڻ سائين مدظله العالي


    هي شاعري حضرت خواجه محبوب سڄڻ سائين مدظله العالي جي سيرت جي ڪتاب مان ورتل آهي۔


    ڪريمن جا قرب



    تنهنجو پيار پيارا، اچي ياد جڏ ٿو،
    ڀُلائي ڇڏيان ٿو، ٻين ڳالهڙين کي.
    امڙ کان به زياده، آهي پيار تنهنجو،
    وساري ويهان ڪيئن، تنهنجن پيارڙن کي.

    برابر دنيا ۾ ڏين پيار ٿا پر،
    توجان پيار ڪنهن کي ڏيڻ ڪونه ايندو،
    سهڻا تو سڀن کي ڏٺو هڪ نظر سان،
    ملايئي ڳلي ڪيئن ڪوجھن ڪارڙن کي.

    وڃي غار ۾ تو خدا کي ٻاڏايو،
    لهي عرش تان پوءِ جبرائيل آيو،
    ڪيائين عرض سهڻا کڻو سجدي مان سر،
    بخشي ڇڏيو رب تنهنجن ٻانهڙن کي.

    ڏسي يا محمد! تنهنجون هي وفائون،
    ڪيون ٿا اميدون مٺا آخرت جون،
    خدا جي حضور ۾ وٺيون نال هلجو،
    اسان عيبدارن گنهگارڙن کي.

    ڪرم ڪم آ تنهنجو، ڪرم ٿو ڪرين تون،
    رحم ڪم آ تنهنجو رحم ٿو ڪرين تون،
    تنهنجي يا حبيبا! آهي خاص خصلت،
    کِلائڻ يتيمن ڇورن ٻارڙن کي.

    ڪندو تنهنجي مدحت طاهر عباسي،
    بڻيو خود خدا آ مداح تنهنجو،
    لکي ڪين سگھبي تنهنجي ثنائي،
    نه آهي ڪا طاقت اسان پارڙن کي.



    هي شاعري هيٺ ڏنل لنڪ مان کنيل آهي۔
     

هن صفحي کي مشهور ڪريو