وفاقي حڪومت گهوٽڪي مندر ۽ نمرتا ڪيس بابت ڪميٽي جوڙي ڇڏي

اسلام اباد: (ڇنڇر 21 سيپٽمبر2019ع) وفاقي حڪومت گهوٽڪي مندر ۽ نمرتا واقعي تي جاچ جي لاءِ ايڪهه ڄڻن تي ٻڌل ڪميٽي جوڙي ڇڏي آهي.

تفصيل موجب وفد جي اڳواڻي انساني حقن بابت پارلياماني سيڪريٽري لالچند ڪندو. جڏهن ته وفد ۾ جي ڪمار اڪراني، چيلا رام، ڪرشن شرما، ڪنول اعجاز به شامل آهن.

ذريعن جو چوڻ آهي ته وفد ڊي آءِ جي گهوٽڪي، ايس ايس پي، نمرتا جا وارث، بار ڪائونسل ۽ مقامي صحافين سان ملاقات ڪندو ۽ پنهنجي رپورٽ ٺاهي وفاقي حڪومت کي پيش ڪندو.

وفد جي رپورٽ واري روشني ۾ وفاقي حڪومت ڪارروائي ڪندي. ذريعن موجب وفد اڄ گهوٽڪي جي مندر پهچندو.

واضح رهي ته 16 سيپٽمبر تي آصفه ڊينل ڪاليج ۾ بي ڊي ايس جي فائنل ايئر جي شاگردياڻي نمرتا ڪماري جي لاش کي هاستل جي ڪمري نمبر 3 مان هٿ ڪيو ويو هو.
Sindhi News