دِل ٿِي چَوي ارمان ٿِيان دِل ٿِــي چَــوي اَرمــان ٿِــيـان، ڪنهن جي دَردن جو دَرمان ٿِيان، جـــو ســوز ۾ سَـــڙيــل ڏِسـان، تَنهـن جي سُورن جـو سَامان ٿِيان. ڪـرونــا وائــرس ۾ کـــوڙ مُــئـا، ۽ مَــرِيــض آهــــن جَـــام ٿِـيـا، وَس جــيـڪـر مُـنـهـنـجـو هَــلـي، تــن جــو جِـگــر ۽ جَــان ٿيان. دُنـيا لُـٽـجـي وئِــي جَـنـهن جي، صـحـت بہ ناهي رهِـي تَنهن جِي، آٿــت ڏيـئِـي تَـنهـن کـي وڃـي، تَـنهـن جـو سـاروئِـي جَـهان ٿِيان. دانـهـن جنهـن جِـي هِــن دُنـيـا ۾، ڪو ٻُــڌڻ وارو نـاهـي رهـيـو، مـــان داخــــل ٿِــــي ايــــوانـــن ۾، تَـنهن جـو وَڃـي فَــرمـان ٿِيان. هِـــن سَــمـاج ۾ ڏُکــيـل گـهـڻـا، تُــون جـاچ مِـلــنـدئِـي اَڻ ڳَـڻـيـا، سَـهـارو جَـنهـن جـو نـہ دُنـيـا ۾، تَنهن جو مان وَڃي مهمان ٿِيان. يــا رَب مُـصِـيـبـت مــعـاف ڪــر، دُنـيا پـنهنجي کي صاف ڪر، ”عبدالستارسيوهاڻي“ توکان سواءِ، ڀَلا دَرڪنهن جي دَربان ٿيان.
