معصوم سنڌي
سينيئر رڪن
ڇيڻا
------------
هي مايون اسر جو اُٿي،
مال جا ڇيڻا ميڙين ٿيون،
ڇيڻن سان تغاريون ڀري،
کڻي اچن ٿيون،
۽ ڪچين ڀِتين تي ٿڦي ڇڏين ٿيون،
انهن لاءِ،
اهي ڇيڻا ڪُل ڪائنات آهن،
ڇو ته انهن ڇيڻن کي چُلهه ۾ ٻاري،
مائرون پنهنجي ٻچڙن لاءِ،
خيرات ۾ ورتل اٽي مان،
رُکي ماني پچائن ٿيون،
۽ مان،
جو انهن ڇيڻن جي بدبوءَ کان به پري ڀڄان ٿو،
پر پوءِ به الائي ڇو،
منهنجي گيتن مان انهن ڇيڻن جي ئي بوءِ اچي ٿي.....!
(هي نثراڻو نظم مشتاق سعيد جو آهي)
آخري ترميم: