گلاب جي گلن جهڙو شاعر شفيق الرحمن ڇٽو

'سنڌي شخصيتون' فورم ۾ ابراهيم لاشاري طرفان آندل موضوعَ ‏17 آڪٽوبر 2020۔

  1. ابراهيم لاشاري

    ابراهيم لاشاري
    سينيئر رڪن

    شموليت:
    ‏13 مارچ 2014
    تحريرون:
    163
    ورتل پسنديدگيون:
    48
    ايوارڊ جون پوائينٽون:
    408

    [​IMG]

    گلاب جي گلن جهڙو شاعر شفيق الرحمن ڇٽو

    ابراهيم لاشاري

    پنهنجي سونهن ڀري سرزمين کي اعزاز حاصل رهيو آهي ته هن ڌرتي وقت به وقت عظيم انسانن کي پنهنجي ڪک منجهه جنم پئي ڏنو آهي اهڙي ريت سونهاري سنڌ جا سڀئي شهر ،وستي توڙي واهڻ علم جي اڪابرن معاشري جي عڪاسي ڪندڙ شاعرن ،اديبن سان ڀريا پيا آهن اهڙي ريت منهنجي جنم ڀومي واري جي دڙن سان منسوب ٿيل شهر (وارهه ) کي به اهو اعزاز حاصل رهيو آهي ته هن شهر سياسي ،توڙي سماجي ، ثقافتي ، مذهبي شخصيتن کي جنم ڏئي پنهنجي ڪردار کي هميشه نروار ڪرئڻ ۾ ڪا ڪمي ناهي ڇڏي . اهڙين شخصيتن منجهان وارهه تعلقي جي ڳوٺ محمد هاشم ڇٽو جي مذهبي ديندار گهراڻي جي معزز شخصيت مرحوم غلام مصطفي ڇٽي جي گهر کان اڄ کان 22 سال اڳ نوجوان گلاب جي گلن جهڙي شاعر ،بهترين ڪردار ننيگر شفيق الرحمن ڇٽو (شفيق مصطفي ) جي نالي سان ٻارڙي ڇنڇر ڏهاڙي 17 آڪٽوبر 1998ع ڌاري جنم وٺي اکيون کوليون ، هن محنتي همٿ واري ٻارڙي جي والدين بچپن کان وٺي تربيت نهايت اعلي نموني جي ڪري پهرين ديني تعليم حاصل ڪرڻ واسطي وارهه شهر ۾ قائم مدرسي (مصباح العلوم ) ۾ داخل ڪرايوجتي هن وڏي ديني عالم علامه مير حسن بروهي صاحب جن جي شفقت سان هن مذهبي گهراڻي جي شفيق انسان پنهنجي رب سائين جي شفقت سان قرآن پاڪ جي تعليم وٺڻ ۾ محو ٿي ويو وڏي محنت سان ڪافي عرصو ٻين طالبن جي ڀيٽ ۾ سمورا درسي ڪتاب پڙهي پاس ڪيائين تنهن بعد هن سٻاجهڙي طبيعت جي مالڪ محنتي شفيق الرحمن ڇٽو کي والدين پنهنجي اباڻي ڳوٺ واري پرائمري اسڪول منجهه داخلا وٺي ڏني جتان هن جاکوڙي ڪردار مسلسل محنت جستجو سان پنج درجا پاس ڪري وارهه جي هائير سيڪنڊري اسڪول منجهه انگري تعليم پرائڻ جي شگف سان داخلا ورتي جتان هن ميٽرڪ جي تعليم سال 2014 ع ۾ سٺن نمبر ۾ پاس ڪري سند حاصل ڪري ورتي انهي عرصي دوران مسٽر شفيق الرحمن ڇٽي کي وري ديني علم پرائڻ جو شوق جاڳو انهي بهاني هن ڪراچي شهر ۾ قئم مدرسي ( بنوري ٽائون ) ۾ پڙهڻ واري ڪرت سان گڏ( ڪرڪيٽ راند )کيڏ جو شوق جاڳيو اهڙي ريت هن نوجوان انهي ديني تعليم منجهان هٿ ڪڍي ڪراچي شهر کي خير آباد چئي اچي وارهه ڀرسان پنهنجي ڳوٺ جي اڳيان قائم (ٿرڙي ڪرڪيٽ گرائونڊ ) تي رات ڏينهن ڪرڪيٽ جي راند کيڏڻ جي شوق سان جڪڙجي ويو هن ٿورڙي عرصي ۾ پنهنجي هم عمر ساٿين کان ڪرڪيٽ راند ۾ (ڇڪن ، چونڪن ) جي برسات سان سڄي ضلعي لاڙڪاڻي ۽ قمبر شهداد ڪوٽ جي رانديگرن ۾ واهه جو نالو نروار ڪرايو، ڏينهنجي مئچ هجي يا نائيٽ ٽورنامينٽ شفيق مصطفي ڇٽو پنهنجي نرالي انداز سان (آل رائونڊر ) ٿي پنهنجي ٽيم کي ڪيترائي ڀيرا ويجهي شڪست کان پنهنجي ٽيڪنيڪل گر سان کٽرائي هميشه پنهنجو نمايا ڪردار حاصل ڪندو رهيو آهي شفيق مصطفي نوجوان ڪرڪيٽ راند کي پنهنجي زندگي جو مشغلو بڻائيندي تعليمي سلسلي کي پڻ جاري ساري رکندو پيو اچي پاڻ شفيق الرحمن ڇٽي 2016ع ۾ انٽر جو امتحان (اي گريڊ ) ۾ پاس ڪري وڌيڪ تعليم جي سلسلي کي اڳتي وڌائيندي مادري ملت سنڌ يونيورسٽي جي امتحاني (ٽيسٽ ) ۾ حصو وٺي بهترين اسڪور ڪري ( فزيڪل ايجوڪيشن ) واري ڊپارٽمينت حاصل ڪرڻ لاءِ وڏا جتن ڪيا مگر سندس جي نصيب ساٿ نه ڏنو هن مايوسي جي بجاءِ محنت جستجو واري عمل منجهان هٿ نه ڪڍيا هن محنتي فرد سنڌ يونيورسٽي جي علم ادب واري ڊپارٽمينت کي پسند ڪري (سنڌي شعبو ) وڃي وسايائين جتي مسٽر شفيق ڇٽو نهايت محنت سان پڙهڻ سان گڏ ڪرڪيٽ راند وارو شوق به جاري ساري رکندو پيو اچي هن پنهنجي ڊپارٽمينت (سنڌي شعبي ) جو راندين واري ڀيٺ ۾ پڻ نالو روشن نروار ڪرڻ ۾ ڪا ڪمي ناهي ڇڏي سنڌي شعبي سندس زندگي کي ئي بدلائي ڇڏي آهي ڇو جو سندس جي (دل نيهن جو ناتو ) ڪنهن سان جڙيو آهي مسٽر شفيق ڇٽو پنهنجي دل جي امنگ جو آواز شعر جي صورت ۾ ڪري عام خلق کي ٻڌائي ٿو پاڻ پنهنجي زباني چوي ٿو ته

    عشق جي ڏيئي کي

    هاڻ وساري نه سگهبو

    پيار پنهنجي کي

    وساري نه سگهبو

    جڳ ۾ جيئنداسين ته

    ڪنداسين توکي ياد او پرين

    مري وياسين ته توکي گهرائي نه سگهبو

    توکي هاڻي جانا وساري نه سگهبو

    عشق جي ڏيئي کي هاڻي وسائي نه سگهبو

    تنهنجون يادون مون لاءِ سهارو آهن

    پاڻ کان هاڻ اهو وڃائي نه سگهبو

    شفيق تو کان ڪيترو رهندو پري پرين

    پنهنجو اهيو ارمان وساري نه سگهبو

    مسٽر شفيق ڇٽو پنهنجي مسلسل جدوجهد تحت محنت ۽ وڏي حوصلي سان پنهنجي زندگي گذاريندو رهي ٿو هن ڪڏهن به همت ناهي هاري هو سنڌ يونيورسٽي جي هم ڪلاسي شاگردن کان پڙهائي ۽ زندگي جي ٻين ڪمن ڪارن ۾پڻ اڳ ڀرو نظر ايندو رهيو آهي هو ادبي سيمنار ، گڏجاڻين ، ادبي ڪانفرنس ۾ پڻ بهرو وٺندو رهي ٿو .هو وقت به وقت پنهنجي شاعري پنهنجي حلقي جي دوستن آڏو پيش ڪري داد حاصل ڪندو رهي ٿو سندس شاعري سنڌ جي مختلف اخبارن ، رسالن منجهه ڇپجندي رهي آهي پاڻ سنڌي شاعري جي صنفن ،غزل ، گيت ، وائي ، چئوسٽا ،بيت منجهه طبع آزمائي ڪندي نظر اچي ٿوپاڻ سنڌي توڙي اردو زبان منجهه پنهنجي ڏات دل جو خيال پيش ڪندي نظر اچي ٿو هو اردو شاعري منجهه واهه جو خيال پيش ڪري ٻڌائي ٿو

    ميري طبعيت پوڇهني آئي ٿهي کيا

    وه زخم پراني خروچني آئي ٿهي کيا

    مين تو مر چکا تها کئي برس پهلي

    اب ميري ميت کو چومني آئي تهي کيا

    اب تو تيري صورت سي بهي ڊر لگني لگا

    اب وه ميري تصوير مانگني آئي تهي کيا

    سنني مي آيا هي اب شفي وه قبر پر

    رو رو کر اب دعا ديني آئي تهي کيا

    مسٽر شفيق ڇٽو هميشه تعليم دوست واري صفت سان سرشار نظر اچي ٿو هو عام خلق کي پنهنجي پيغام ۾ چوي ٿو ته پنهنجي ٻارڙن جي تعليم ڏانهن والدين توجهه ڏين تعليم ،محنت سان ئي هر شين ممڪن آهي وارهه واسي شفيق ڇٽو جي زندگي جو مقصد پڻ اعلي آهي پاڻ اعلي تعليم پرائي پنهنجي علائقي ۽ سنڌ واسين جي خدمت ڪرڻ جو جذبو جئ ۾ جڳايون پيو اچي پنهنجي زباني ڪهڙي نه سٺي ڳالهه ٿو ڪري شاعري واري زبان منجهه

    رات تنهنجي ڳلن تي پيو ڳائجي

    تون رسي جي وڃي تو کي پرچائجي

    رات ڪاري وڃي نيٺ شل هي کٽي

    هٿ هٿن تي رکي پاڻ سرچائجي

    سرد موسم هئي ڪنهن ڪناري مٿان

    پوءِ تو ريءَ ساگر سان پيو ڳالهائجي

    هي بارش به ڪا اڌڙوٽ عورت لڳي

    دل چيو ٿي کڻي هن سان دل لائجي

    ها مون ۾ تون ستل شاعريءَ جي مثل

    بيت تو تي لکي تو کي جاڳائجي

    در کليل آ هميشه ته تو لاءِ شفي

    ڇو نه ٿي ميزبان توکي ڪوٺائجي


    پاڻ ڪجهه وقت اڳ والد جي وڇوڙي بعد مايوسي واري زندگي گذاري رهيو آهي سندس والد جي وڇوڙي کان بعد سڄو خاندان ڏک منجهه ورتل نظر اچي ٿو پاڻ اڄ پنهنجي زندگي جون(22جنم ڏهاڙو ) پنهنجي ڳوٺ منجهه پنهنجي گهر وارن پنهنجن دوستن سان ڪيڪ ڪاٽي ملهائيندو سندس جنم ڏينهن تي کوڙ سارا دوست ۽ گهر وارا مبارڪون پڻ چوندا ، منهنجي هن نماڻي پياري دوست مسلسل محنتي گلاب جي گلن جهڙي نوجوان شاعر لاءِ رب سائين در دعائون ته پنهنجي زندگي ۾ هميشه ڪاميابيون ماڻي پنهنجي ڏات سان ڏيهه جي ماڻهن کي سونهن بخشيندو رهي 616
     
  2. ابراهيم لاشاري

    ابراهيم لاشاري
    سينيئر رڪن

    شموليت:
    ‏13 مارچ 2014
    تحريرون:
    163
    ورتل پسنديدگيون:
    48
    ايوارڊ جون پوائينٽون:
    408
    ابراهيم لاشاري سنڌي نثر جو برجستو نانءُ،
    فقير محمد سنڌي.
    ڪوڙين ڪايائون تُنهنجون، لِکَن لَکَ هزارَ،
    جيءَ سڀ ڪنهن جيءَ سين، درسن ڌارون ڌار،
    پريم! تُنهنجا پارَ، ڪهڙا چئي ڪهڙا چوان.
    ( شاھ لطيف )
    سنڌ علم، ادب واري دنيا ۾ ڪنهن به خطي کان گهٽ نه آهي.
    سنڌ ڌرتيءَ جو ساهتي پرڳڻو وري علم ۽ ادب واري جڳ ۾ منفرد مقام رکي ٿو، هتان جي پڙهيل لکيل فردن
    دنيا ۾ پنهنجو نالو روشن ڪيو آهي.
    اهڙو علمي ادبي سلسلو گهڻي وقت کان جاري آهي جنھن ڪري ساھتي پرڳڻي جي علمي ادبي شخصيتن پنهنجو الڳ الڳ ڪردار ادا ڪري پنهنجي ٻوليءَ ۽ خطي جي خدمت ڪري علم ادب ۾ پاڻ موکيو آهي،جيڪو تاريخ ۾ شانائتو قدم آهي.
    اهڙن ڪردارن مان محمد ابراهيم لاشاريءَ ولد حاجي ڦوٽو لاشاري پڻ اهم ادبي شخصيت آهي. پاڻ ادبي نالي ۾ وري ابراهيم لاشاريءَ طور سڄي سنڌ جي ادبي دنيا جي نثر جي شعبي ۾نمايان ڄاتو ۽ سڃاتو وڃي ٿو. ابراهيم لاشاريءَ جي سڃاڻپ ۽ پيدائش :
    محمد ابراهيم لاشاريءَ جو جنم پهرين جنوري1976ع تي خميس ڏينهن وارھ تعلقي جي ڳوٺ ميد شھيد ضلعي قمبر شهدادڪوٽ جي هڪ معزز شخصيت جناب حاجي ڦوٽو لاشاريءَ جي گهر ۾ ٿي.
    تعليم ۽ تربيت جو سلسلو هيٺين ريت آهي :
    محمد ابراهيم لاشاريءَ شروعاتي تعليم پنهنجي ڳوٺ ميد شھيد مان محنتي استاد عبدالوهاب لاشاريءَ کان حاصل ڪئي، جنهن بعد 1987ع دوران ڇھون درجو وارھ ھاء اسڪول مان پڙهي پاس ڪيائين جتي کيس بھترين قابليت وارن استادن محمد صالح پتوجو ،محمد خميسو ميمڻ ، غلام علي سولنگي ، عبدالقادر شيخ (سائين نياز )گل حسن مير جت جهڙا استا مليس.
    جن جي تعليم ۽ تربيت جو اثر سندس شخصيت تي پيو تنھن بعد پاڻ وارھ لڳ کنڊو مان سال 1992ع تي ھاء اسڪول کنڊو مان مئٽرڪ جو امتحان شفيق استادن جي مهربانين سان جنهن ۾ استاد محترم رازق ڏنو ڀٽي ،نعمت الله ڪانڌڙو جي شفقت سان پاس ڪري، باقي تعليم انٽر ميڊئٽ گورنمينٽ سال 1994ع تي هائير سيڪنڊري اسڪول وارھ مان پاس ڪيائين. اڳتي تعليم جي پورائي لاءِ پرائيويٽ طور حاصل ڪئي، جنھن جو وجھ سندس خانداني غربت هئي.اهڙي طرح گريجوئيٽ ۽ پوسٽ گريجوئيٽ جي ڊگري سنڌي ادب ۾حاصل ڪيائين.
    ادبي شروعات :
    ابراهيم لاشاريءَ پنهنجي ادبي شروعات 1998ع کان ڪئي ننڍ پڻ ۾ سندس ڏاڏو مولانا رب رکيو لاشاريءَ کيس پنهنجي دور جون آکاڻيون (ڪهاڻيون)، مولود شريف ۽ شاھ عبداللطيف ڀٽائي سميت بزرگن جي شاعري ٻڌائيندو رهندو هو، تنھن ڪري ڪجھ گهريلو تربيت، ڪجھ پڙهڻ دوران استادن کان مليل ڄاڻ ۽ وري ڪجھ جوانيءَ جي جنون ۾ اچي ڪري لکڻ پڙهڻ جي شوق جاڳيس جنھن جي ڪا حد ئي نه رھي بس قلم ھٿن ۾ کڻي ( شاھ سائين جي شاعريءَ منجھ پکين جو ذڪر) نالي عنوان سان ڪالم روزاني عوامي آواز۾ لکي ۽ ادبي دنيا ۾ پير پاتائين جيڪو سندس جي شهرت جو سبب بڻيو.
    پيار جا سانگ سجايا آهن،
    ٻيا سڀ ڪم اجايا آهن.
    ابراهيم لاشاريءَ روزگار حاصل ڪرڻ لاءِ وڏا جتن ڪيا مڱر سال 2006ع تي سنڌ پبلڪ سروس ڪميشن جو امتحان پاس ڪري 902اميدوارن منجھان نمايان نمبر حاصل ڪري ڪميشن مقابلي واري امتحان ۾سڄي سنڌ ۾ٻئين نمبر تي پوزيشن حاصل ڪري شاھ لطيف ڊگري ڪاليج قمبر ۾ سنڌي شعبي جو ليڪچرار مقرر پڻ ٿيو.
    خادم الفقراءُ :
    سندس طبعیت ۾ خانداني فقيراڻو مزاج شامل آهي، جنهن ڪري سندس جسم تي سادو لباس، ۽ عاجزيءَ سان ابراهيم لاشاري هر ڪنهن ننڍي وڏي سان هر وقت نياز، نوڙت ۽ اخلاق سان ملندي نظر ايندو آهي.
    ڇپيل مواد :
    ابراھيم لاشاريءَ جون لکڻيون ڪجھ هيٺين رسالن ۽ اخبارن ۾ شايع ٿي چڪيون آهن، جهڙوڪ
    سلسليوار پيج ميگزين (سنڌي ادب)، پندرهن روزه عبرت مئگزين، هفتيوار سنڌو ، سوڀ سنڊي مئگزين ، روزاني ڪاوش، روزاني ڪوشش روزاني سوڀ، روزاني ھلال پاڪستان، روزاني ارادو، روزاني جيجل روزاني سڪار، روزاني خبرون، روزاني وفاء سنڌ، روزاني پنهنجي اخبار،روزاني عين عبادت، روزانو نور سنڌ، روزاني آجيان، کان علاوه سنڌ مان نڪرندڙ تقريبن سڀني رسالن ۽ اخبارن وغيره ۾ شايع ٿيل آهن.
    اَڻَ ڇپيل ڪتاب :
    ابراهيم لاشاريءَ جو لکيل مواد ڪالم، مضمون، تحقیق ۽ ٻيو کوڙ سارو ادبي مواد پڻ موجود آهي، جيڪو مختلف رسالن ۽ اخبارن ۾ ڇپيل آهي پر ڪتابي صورت ۾ آيل ناهي، ان کان وڌيڪ سندس اڻ ڇپيل مواد موجود آهي، جنهن ۾ ادبي نالن جا ادبي رنگ (تخلص) ۽ ڏاھا منهنجي ڏيھ جا (خاڪا) تي مشتمل ڍير سارو مواد ڇپجڻ جي اوسيئڙي ۾ آهي.
    صحافتي خدمتون: محمد ابراهيم لاشاريءَ ادبي خدمتن سان گڏ صحافت جي دنيا ۾ پڻ پاڻ موکيندي مختلف اخبارن جھڙوڪ روزاني ڪوشش، روزاني سچ ،روزاني عوامي آواز،۾ وارھ شھر جو رپورٽر رھي چڪو آهي تنھن کان سواءِ ابراهيم لاشاريءَ سنڌي ادبي سنگت شاخ وارھ جو سرگرم ڪارڪن رهيو آهي، پاڻ سنڌي ادبي سنگت وارھ جو ميمبر ٿي رهيو آهي وارھ پريس ڪلب جو ميمبر، خزانچي پڻ رهيو آهي، اهو ئي جدوجهد جو بهترين سفر آهي جنهن کي لطيف سائين به هيٺين ريت پسند ڪري ٿو.
    ڏوٿي سا ڏورين، جا جوء سئي نه ٻڌي،
    پاسا مٿي پاھڻين، کاھوڙي کوڙين،
    وڄا اُت ووڙين، جت نھايت ناھ ڪا.
    ايوارڊ' بھترين( ٽيچر ايوارڊ) سماجي خدمتن طور شيلڊ پڻ ماڻي چڪو آهي ابراهيم لاشاريءَ پاڻ ھن وقت تعليم کاتي ڪاليج سائيڊ گورنمينٽ ڊگري ڪاليج لاڙڪاڻي ۾ سنڌي ادب جو (سنڌي شعبي) اسسٽنٽ پروفيسر طور نھايت ايمانداري سچائي سان پنهنجو پڙھڻ پڙھائڻ وارو فرض سرانجام ڏئي رهيو آهي پياري ابراهيم لاشاريءَ جي اڄ نئين سال جي پھرين ڏينھن سال2023ع آچر ڏينهن (47) ستيتالھين سالگره جو ڪيڪ پنھنجي گھر وارن سان گڏ ڪٽي جنم ڏينهن ملھائيندو پاڻ ھن وقت پنھنجن ٻارن پٽ علي ابراهيم لاشاريءَ ڌيئرون عليزا ابراهيم عائيشہ ابراهيم ۽ اديبہ ابراهيم لاشاريءَ سان گڏ لاڙڪاڻي جي سچل ڪالوني منجھ زندگيءَ جا پل گذاري رھيو آھي. منھنجي ھن ناليواري واري ليکڪ ۽ بهترين دوست ابراهيم لاشاريءَ لاءِ دعائون تہ پاڻ سنڌي ادب جي جهول ڀريندؤ رھي ابراهيم لاشاريءَ جي محنت کي ڏسي اسان کي هي ڏس لطيف سرڪار جي هيٺين سٽن ۾ ملي ٿو.
    تتي ٿڌيء ڪاھ، ڪانهي ويل وهڻ جي،
    متان ٿئي اونداه پير نه لهين پرينءَ جو.​
     

هن صفحي کي مشهور ڪريو