اڄ نه اوطاقن ۾ سندي جوڳين جوڙ۔۔۔۔ سگهڙ حاجي الهداد جنجهي (1928...2015) هن فاني دنيا مان پنج سال اڳ لاڏاڻو ڪيو، سندس جنم ڇاڇري تعلقي جي مشهور ڳوٺ جنجهين جي تڙ المعروف جنجهي ۾ حافظ ميگهه جي گهر، پهرين جولاءِ 1928ع تي ٿيو. ابتدائي تعليم جنجهي ۽ ڳوٺ ڪانڪهيئي مان حاصل ڪيائين. قرآن شريف ۽ فقه جي تعليم ڇاڇري ۾ حاصل ڪيائين. 1946ع ۾ اسڪول بقا ڪرن تعلقي مٺيءَ ۾ پرائمري استاد طور مقرر ٿيو. مختلف هنڌن تي خدمتون سرانجام ڏيڻ کانپوءِ 1981ع ۾ رٽائر ٿيو. شاه لطيف جو سچو عاشق ۽ پارکو هو۔ پنهنجي انهي عشق جي پوئواريءَ ۾ 1992ع ۾ گنج شريف جو ڇاپو ڇپرايائين جنهنجو ٻيو چاپو به شايع ٿيو ۽ هٿوهٿ کپي ويو. شاه جي بيتن جي سندس تز ۽ درست پڙھڻي بيمثال هئي۔ کيس شاه سائين جا هزارين بيت برزبان ياد هوندا هئا۔ شاه سائين جي هن عاشق 22 اپريل 2015ع تي پنهنجي اباڻي ڳوٺ جنجهي ۾ دم ڌڻيءَ حوالي ڪيو، الله سائين کيس جنت ۾ جايون ڏي...آمين سندس پونيرن ۾ سندس پٽ نعمت الله ، نياز ۽ پوٽن ۾ عنايت ۽ تنوير شاه جي رسالي سان محبت رکندڙ آھن
