وقتَ ڪيئي ڄَڻيا حادثا راھ ۾....ساجد سومرو

[صراط بلوچ]

.غزل
وقتَ ڪيئي ڄَڻيا حادثا راھ ۾
مون به سانڍي رکيا حوصلا راھ ۾
ڇانوَ گهربل ھئي ڪا ته انصاف جي؛
مون به پوکي ڇڏيا معرڪا راھَ ۾
همسفر ڪونه ھَو همنوا ڪو نه ھَو؛
وڻ جيان پيا ڦُٽي سلسلا راھَ ۾
پنڌُ ھَو پارڪرِ - مَنُ مٺيءَ ۾ هيو؛
ٿَرَ اکين جَي رکيا ڇاڇرا راھ ۾
دل ڪنواري هئي تن اَڇُوتَو هيو؛
گهوٽ ھا ڪي رکيا گهاگهرا راھَ ۾
ھُو ته فنڪار ھَو ويو سُرن ۾ مري؛
ساز ويا سڀ رُلي ڌاڌرا راھَ ۾
ڍنڍَ وئي ڄڻ سُڪي اک آلي نه ٿي؛
وئي سُڪي ۽ سڙي ياترا راھَ ۾
موتَ گهائَي ڇڏيا زندگي جا سڄا؛
ڪاروان راھَ ۾ - قافلا راھَ ۾
مڙس ڳاڙھو ھُيو زال ڪاري هئي؛
سنگساري سان ھا ڪي دُرا راھَ ۾
موت ڏي ٿو وڃي زندگي جو سفر؛
ماڳَ - مارڳَ سڄا مرحلا راھَ ۾
سمنڊَ آهي لکي وقت جي ڪا ڪَٿا؛
تيز طوفان ھِنِ زلزلا راھَ ۾
گڏ هليا سين ته ھا فاصلا ڪيترا؛
پر جدا ٿي ويا فاصلا راھ ۾
عشق ھَو پُرسڪون حُسن ھَو ڄڻ فُسون
ھُنَ کڙا ھا ڪيا ٿرٿلا راھَ ۾
پروفيسرساجدسومرو

=AZUMfUs1pvvgxaohPGiyAvbqrKwCuAGemUVl65qZ0HlnOrAozykyHpsFj8YZx0cIPSgKZZz9_J-kOElEL33M_Mim6U4AosHuXAPhzljrSfvHNrXzd3p3FA0iHvJdkKQhTDA&__tn__=EH-R']
=AZUMfUs1pvvgxaohPGiyAvbqrKwCuAGemUVl65qZ0HlnOrAozykyHpsFj8YZx0cIPSgKZZz9_J-kOElEL33M_Mim6U4AosHuXAPhzljrSfvHNrXzd3p3FA0iHvJdkKQhTDA&__tn__=EH-R']

388Aijaz Ali Lashari and 387 others
192 comments
9 shares
Like


Comment

Share