فرانس جي آخري بادشاهه لوئي جي دور ۾، 1789ع ۾ فرانس ۾ جمهوري انقلاب آيو. بادشاهه کي گرفتار ڪيو ويو، ۽ پوءِ 21 جنوري 1793ع تي انقلاب جي مخالفت جي الزام ۾ قتل ڪيو ويو.
فرانس جي هن آخري بادشاهه جي اها عادت هئي ته هو روزانو پنهنجي ڊائري ضرور لکندو هو. هر ڏينهن هو ڪنهن واقعي، ملاقات، يا پنهنجي ڏينهن جي مختصر تفصيل لکندو هو. 14 جولاءِ 1789ع تي، هن گهڻو وقت شڪار ڪندي گذاريو. رات جو، جڏهن هو پنهنجي ڊائري لکڻ ويٺو، ته هن ٽٽل هٿن سان صرف ٽي لفط لکيا: "ڪجھ به نه"
فرانس جي بادشاهه جي ڊائري جو اهو صفحو هر انسان جي زندگي جي آخري صفحي وانگر آهي. اها رڳو هڪ ناڪام بادشاهه جي ڪهاڻي نه آهي، پر هر ماڻهو جي ڪهاڻي آهي.
هر ماڻهو پنهنجي زندگي ۾ ڪنهن نه ڪنهن سرگرمي ۾ مصروف هوندو آهي. هو سمجهي ٿو ته هو ڪجهه حاصل ڪري رهيو آهي، هو پنهنجي آخري ڏينهن لاءِ ڪجهه گڏ ڪري رهيو آهي. پر جڏهن زندگي جو آخري لمحو ايندو آهي، ته هو حيران ٿي ڏسندو آهي ته هن ڪجھ به حاصل نه ڪيو.
هن جي زندگي جي ڪتاب جي آخري صفحي تي لکيل هوندو آهي: "ڪجھ به نه" (Nothing).
ڪيترو عجيب آهي اهو عمل، جڏهن آخر ۾ بي عملي ثابت ٿئي! ڪيتريون عجيب آهن اهي سرگرميون، جيڪي آخر ۾ رڳو "ڪجھ به نه" بڻجي وڃن!