ماکي مصري

[عبدالستار پنهور]

منهنجي لاءِ ته ماکي مصري تون،
مکڻ، چاڻا ۽ بصري تون.

ساڳ، پليون به پنهنجو مٽ آهن،
سرنهن، مڇي ۽ لسڙي تون.

اجرڪ جهڙي لالي تنهنجي،
پيار مليل ڪا پينگهڙي تون.

اڃايل لاءِ جئن مٽ جو پاڻي،
ٿڌي مٺڙي گهڙڙي تون.

چاس جيان تون روح ۾ شامل،
پل به نه مون کان وسري تون.

منگتي لاءِ جيئن روزي روٽي،
تیئن منهنجي لاءِ ڪسري تون.

ستارؔ جو توکي ساٿ مليو آ،
گلشن وانگي نکري تون.
#SindhiPoetry #SindhiLiterature #SattarPanhwar #SindhiGhazal