جڙي شال جند

[عبدالستار پنهور]

جيئي سنڌ جيئي، جڙي شال جند،
ساهه منهنجو سنڌ، ويساھ منهنجو سنڌ۔

ملي خاڪِ پاڪِ وطن کي پئي هِير
راحت آ، راحت جي آرام گاھ سنڌ۔

نظارن ۾ آهي لطيف جو هي پيغام،
محبت جي منزل، عشق جي راھ سنڌ۔

اجرڪ جو پاند آ سڃاڻ سونهن جي
منهنجي عزت، عظمت ۽ آهي جاھ سنڌ۔

سِير سنڌوءَ جي روح کي ڏئي ٿي قرار
سور ۾ سهارو، خوشين جي ٻاھ سنڌ۔

مٽيءَ هن ۾ ملنداسين مرڻ کان پوءِ
منهنجو عشق سنڌ، منهنجي آ چاھ سنڌ۔

ٻڌائي پيو "ستار" هي پيار جا گيت
ايمان منهنجو، ميسر پناھ سنڌ