سستو ترين ٽيبليٽ (ليپٽاپ) ڪمپيوٽر۔۔۔

السلام عليڪم دوستو!،،،
توهان سوچيندا هوندو ته مان شايد چائينا جي مال جي ڳالهه پيو ڪريان، ڇو ته پاڻ‌وٽ مشهور آهي ته سستو مال ته صرف چين ٺاهي ٿو۔ پر ايئن نه آهي، سڀ کان سستيون ٽيڪنالوجي خاص ڪري اليڪٽرانڪس جون شيون انڊيا ۾ تيار ٿين ٿيون، توهان کي ياد هوندو ته ڪجهه سال اڳ انڊيا ۾‌نينو ڪار (2،127 ڊالر قيمت سان) تياري کان بعد مشهور ٿي هئي، جنهن جي تخليق ڪرڻ واري مالڪ جو خواب اهو آهي ته انڊيا جي هر شهري وٽ ڪار هجڻ گهرجي۔۔ پوءِ اها ڪار مارڪيٽ ۾ ڪيترو هلي اها توهان کي خبر هوندي۔۔ (نه ته به رنجيت کان پڇي وٺجو)، انهيءَ‌ڪار کان پوءِ دنيا جو سستو ترين پاڻي صاف ڪرڻ‌جو ڪولر(واٽر پيوريفائير قيمت صرف 16 ڊالر ) به انڊيا طرفان تيار ڪيو ويو، اهڙي طرح دنيا جي سستي ترين اوپن هارٽ سرجري به انڊيا ۾‌ئي ٿئي ٿي، جنهن تي 2000 ڊالر خرچ اچي ٿو۔
هاڻي انڊيا وارن هڪ ننڍو ٽيبليٽ پروٽوٽائيپ پي سي ٺاهيو آهي، جيڪو آءِ فون جي فيچرس سان به ڀرپور آهي، پر ان جي قيمت شايد آءِ فون جي 14هين حصي جي به برابر نه آهي ، سندس قيمت آهي رڳو 35 ڊالر، اهو ٽچ اسڪرين ڪمپيوٽر شاگردن جي سهولت کي ذهن ۾ رکي ٺاهيو ويو آهي، جيڪو مارڪيٽ ۾ تياريءَ لاءِ‌ رکيو پيو وڃي ۽ 2011 تائين هي وڪري لاءِ‌موجود هوندو۔ مفت ۽ هاءِ ڪلاس آپريٽنگ سسٽم لينڪس جي هن ۾ اڳ ۾ ئي انسٽاليشن ٿيل هوندي۔ هن ۾ جيڪي فنڪشن اڳ ۾ ئي موجود هوندا انهن ۾ وڊيو ڪانفرنسنگ، ورڊ پراسيسنگ ۽ ويب برائوزنگ پڻ شامل آهي۔
جيڪا ڳالهه هن کي ٻين ڪمپيوٽرن کان منفرد ڪري ٿي اها هيءَ‌ته هڪ ننڍي سولر پينل ڊوائيس جي اضافي سان هن ڪمپيوٽر ۾ سج جي روشنيءَ‌کي به ڪتب آڻي سگهجي ٿو۔ اهو انڊيا جهڙي بجليءَ‌جي بحران رکڻ واري ملڪ لاءِ وڏو انقلاب آهي (في الحال انهيءَ‌سولر پينل ڊوائيس جي قيمت مهانگي ٻڌائي پئي وڃي)
هن ڪمپنيءَ‌جي مالڪ جو چوڻ آهي ته هي 35 ڊالرن وارو ٽيبليٽ ڪمپيوٽر اسان جي طرفان مشهور زمانه ايم آءِ ٽي ڪمپني جي 100 ڊالر واري ٽيبليٽ ڪمپيوٽر جي لاءِ‌هڪ جواب آهي، ياد رهي ته 2005 ۾ ايم آءِ ٽي ڪمپنيءَ‌طرفان پٺتي پيل ملڪن جي ترقي لاءِ 100 ڊالر قيمت واري ٽيبليٽ ڪمپيوٽر جي تياريءَ بعد فراهميءَ‌جو اعلان ڪيو ويو هو، پر انڊيا ان ڪمپيوٽر کي مهانگو ڄاڻائي اها آفر ٿڏي ڇڏي ۽ انهن ايترن سالن جي محنت بعد پنهنجو ٽيبليٽ ڪمپيوٽر ٺاهيو۔
ماهرن جي چوڻ‌موجب ته انڊيا جو ٺاهيل اهو ڪمپيوٽر، ڪمپيوٽنگ جو مستقبل آهي۔ ڇو ته اڄ ڪلهه جي آءِ فون جي قيمت تقريبن 400 ڊالر آهي، جڏهن ته انهيءَ‌جڳهه تي هي ننڍو ڪمپيوٽر ساڳئي فنڪشنز سان 35 ڊالر ۾‌ملندو يعني اهڙا 11 ڪمپيوٽر ماڻهو خريد ڪري سگهي ٿو۔

 

http://www.youtube.com/watch?v=vGEDizaWX0k

http://www.youtube.com/watch?v=fxbrRm54U2s

 

جواب: سستو ترين ٽيبليٽ (ليپٽاپ) ڪمپيوٽر۔۔۔

ادا مست اهڙي ناياب شئيرنگ جي مهرباني ڇا ڀلا اهو ڪمپيوٽر هن وقت پاڪستان ۾ موجود آهي، اگر آهي ته سنگت کي ٻڌايو

 

جواب: سستو ترين ٽيبليٽ (ليپٽاپ) ڪمپيوٽر۔۔۔

سائين انهيءَ ڪمپيوٽر جو افتتاح انڊيا ۾ ئي اڃان ٽي ڪلاڪ پهرين ٿيو آهي۔۔ ها ها ها

 

جواب: سستو ترين ٽيبليٽ (ليپٽاپ) ڪمپيوٽر۔۔۔

هل ڙي مست، ايترو تيز

 

جواب: سستو ترين ٽيبليٽ (ليپٽاپ) ڪمپيوٽر۔۔۔

اي ڪاش ڪو اهڙو وقت اچي جڏهن سنڌ ان ميدان ۾ سڀ کان اڳري هجي & سنڌي پروگرامر & انجنيئر اهڙا ڪم پنهنجي سنڌين لاءِ تيار ڪن
آمين

 

جواب: سستو ترين ٽيبليٽ (ليپٽاپ) ڪمپيوٽر۔۔۔

مست بابا سائين سنڌ سلامت تي ڇانئجي ويو آهي۔ مهرباني ادا

 

جواب: سستو ترين ٽيبليٽ (ليپٽاپ) ڪمپيوٽر۔۔۔

ادا ذميداري به ته اهڙي کئين اٿس نه

 

جواب: سستو ترين ٽيبليٽ (ليپٽاپ) ڪمپيوٽر۔۔۔

جي ادا انڊيا ۾ واقي سستيو ۽ پائدار شيو ٺاهن ٿيو شايد هنن هڪ ٻه شهر صرف آئي ٽي جا آهن جنهن ۾ ڪيمرا موبائيل ڪمپيوٽر جو سمان تيار ٿئي ٿو

 

جواب: سستو ترين ٽيبليٽ (ليپٽاپ) ڪمپيوٽر۔۔۔

ها ادا انڊيا جو حيدرآباد دنيا ۾ نمبر پهريون آءِ ٽيءَ جو شهر آهي۔۔۔

 

جواب: سستو ترين ٽيبليٽ (ليپٽاپ) ڪمپيوٽر۔۔۔

جي ادا تمام بهترين اڄ ڪاوش اخبار ۾ ب هن جي خبر آئي هئي مان ادا رنجيت کي چئي اهو ليپ ٽاپ گهرايان ٿو باقي سنگت جي آ مرضي.

 

جواب: سستو ترين ٽيبليٽ (ليپٽاپ) ڪمپيوٽر۔۔۔

ادا مست اوهان جي مهرباني جو نئين ٽيڪنالاجي جي خبر اسان تائين پهچايو ٿا شال جڙيا هجو۔

 

جواب: سستو ترين ٽيبليٽ (ليپٽاپ) ڪمپيوٽر۔۔۔

واهه واهه ادا۔۔ اهو پاڪستاني 2500 رپين جيترو مس پوندو۔۔۔

 

جواب: سستو ترين ٽيبليٽ (ليپٽاپ) ڪمپيوٽر۔۔۔

سهڻل سائين حيدرآباد نه پر بئنگلور جنهن کي آئي ٽي سٽي چيو ويندو آهي۔۔۔۔

 

جواب: سستو ترين ٽيبليٽ (ليپٽاپ) ڪمپيوٽر۔۔۔

سهڻا تصحيح ڪرڻ جي مهرباني۔۔ هاڻي خيال ڪجان سڄي سنگت توکي انهيءَ‌ليپ ٽاپ جي آڻڻ‌جو چوندي۔۔

 

جواب: سستو ترين ٽيبليٽ (ليپٽاپ) ڪمپيوٽر۔۔۔

مٺا اڳاڙيون ۽‌پڇاڙيون هڻي ڪري اهو ليپٽان توهان 25000 پوندو
اڳاڙيون ۔۔۔۔ ڪسٽم
پڇاڙيون۔۔۔۔۔ پاڻ سمجهو ٿا۔

 

جواب: سستو ترين ٽيبليٽ (ليپٽاپ) ڪمپيوٽر۔۔۔

اڙي فقيرن سان ڪهڙا ليکا ٿو ڪرين، حيدرآباد يا بئنگلور آهي ته هندستان ئي نه

 

جواب: سستو ترين ٽيبليٽ (ليپٽاپ) ڪمپيوٽر۔۔۔

نه سائين وڌ‌۾ وڌ ڪسٽم ڊيوٽي سان گڏ 5 هزارن تائين پئجي سگهي ٿو۔۔

 

جواب: سستو ترين ٽيبليٽ (ليپٽاپ) ڪمپيوٽر۔۔۔

الله ڪري ايترن ۾ ئي ملي

 

جواب: سستو ترين ٽيبليٽ (ليپٽاپ) ڪمپيوٽر۔۔۔

اها ته ليٽيسٽ نيوز آهي جو 2500 روپين واري انڊيا جي ٽيبليٽ پي سي تي 2500پاڪستاني روپين جي ڊيوٽي لڳندي، مست تون اهڙيون خبرون هلائي اسان واري جادوگر جون سِڪُون پيو لاهين۔ ڪٿي جادوگر گُرو جو چيلو ته ڪونه ٿِي ويو آهين۔ 7 آگسٽ تي برابر هُن ناز چرئي جي پُٽ جي شادي واري وليمه تي گُرو ۽ چيلو پڪ سان ٻئي نظر پئي آيا۔ خوب ترقي ڪندا توهان آئي ٽي وارين جادو سان ڀريل خبرون ڏيڻ تي، زبردست