مان آهيان نثارناز

مان آهيان نثار ناز​

”سنڌ سلامت“ جي ميمبر جي حيثيت واري ناتي سان سنڌ جي سمورن سڄڻن سامهون پنهنجي سڃاڻپ ڪرڻ پنهنجو اخلاقي فرض سمجهان ٿو، دوستو منهنجو مُڪمل نالو، نثاراحمد سمون آهي، پر مُنهنجي شهر جا ماڻهو مونکي نثار ناز جي نالي سان سُڃاڻندا آهن، ناز تخلص آهي، ڪڏهن ڪڏهن انڌي منڊي شاعري ڪري ويهندو آهيان، هن خوبصورت دنيا جي چمن ۾ پنهنجا قدم 12 جنوري اوڻيهه سئو ايڪهٺ تي رکيا، انهي حساب سان 49 زندگي جون گرميون سرديون، بهارون ۽ خزائون ڏٺيون اٿم، هر ماڻهوءَ سان کلندي ۽ مُسڪرائيندي پيش آيو آهيان، ايتري قدر جو ڪير ڪاوڙ سان پيش آيو هوندو، ته ان سان به مُسڪرائيندي پنهنجو پلئو آجو ڪرايو اٿم، مُسڪراهٽون ۽ وفائون هر ماڻهوءَ جي عمر ۾ واڌارو آڻينديون آهن.. دوکيبازي جي منطق کان واقف ضرور آهيان پر دوکيبازن سان ڀي وفائون شيئر ڪري پنهنجي اندر کي اُجياريو اٿم، دنيا جي هر عورت کي ڪائنات جي سُونهن سمجهندو آهيان،ڪڏهن عورت کي ماءُ سمجهي ان کي تعظيمي سجدا ڪندو آهيان، ڪڏهن ڀيڻ سمجهي، ان جو قدر ڪندو آهيان ....... شڪر الحمد الله مان شادي شُده آهيان، مائٽن جي رضا خوشيءَ سان ماسات مٺي ذات سان لانئون لڌيون اٿم، انهيءَ محبتي ٻنڌڻن ۾ آڪٽوبر 1978ع ۾ ٻڌجي ويس، زندگيءَ جي انهن سالن ۾ منهنجي جيون ساٿي مونکي پنج ٻارڙا تُحفن جي صورت ۾ ڄڻي ڏنا، ماشاالله چار پُٽ ۽ هڪ نياڻي، هڪ پُٽ 26 سالن جو نوجوان آهي، ٻه پُٽڙا هينئر نائين درجي ۾ پڙهن پيا، هڪ پُٽ ڇهين درجي ۾ آهي، باقي نياڻي پهرين ڪلاس ۾ آهي، زندگيءَ جو گاڏو رڙهي پيو، ريٽائرڊ گورنمينٽ ملازم آهيان، پن سن مطلب پينشن تي گُذارو اٿم، شاعري، ڪرڻ وارن ۾ اُستاد بخاري مرحوم، شيخ اياز مرحوم، تاجل بيوس مرحوم، راشد مورائي، اياز گُل، رُخسانه پريت چنڙ ، شوڪت ڌماچ، خيال سنڌي، عاشق ڳاهو، مشڪور ڦلڪارو، ۽ ايوب کوسو انتهائي وڻندا اٿم، سائين ايوب کوسي جي شاعري جو ديوانگيءَ جي حد تائين ديوانو آهيان. اردو شاعرن ۾ فيض احمد فيض، احمد فراز، پروين شاڪر ، ساغر صديقي، ۽ وصي شاه وڻندا اٿم پر انڊيا جي شاعر آنجهاني ساحر جي شاعري جڏهن به پڙهندو آهيان، جهومي پوندو آهيان. شاهه عبدالطيف ڀٽائي، سائين سچل ، ۽ مصري فقير جن جون شاعريون مُنهنجي روحاني تربيت ڪنديون آهن.
سنڌ سلامت ساٿ سلامت​

 

ناز صاحب مان اڄ ادا زاهد سومري کان هن فورم جي باري ۾ پڇيو، ۽ ادا مونکي تمام سهڻي نموني سان سمجهائيندي ايترو ضرور چيو ته ادا هن فورم کي لانچ ٿيڻ ۾ ٿورڙو ئي وقت ٿيو آهي پر تمام سٺي وندر آ، انهي سان گڏوگڏ هن فورم تي تمام سٺا ۽ سلجهيل ماڻهو اوهان کي ملندا جيڪي اوهان جي هن فورم تي رهنمائي ڪندا۔
سائين اوهان جو تعارف ڏسي ڪري اڄ اسان پنهنجي تعارف کي پوئتي رکيوسين

 

پيارا منتظم اعلى ، محترم محمد زمان سومرا، سائين عامر ضيا چارڻ، محترم علي علي توهان مون مسڪين کي ايتري ته محبتي ڀليڪار ڏني آهي جو سچ پڇو ان لائيق ڪونه هُئس، سنڌ سلامت جو نالو ئي محبتن جي ضمانت آهي، ان بي لوث محبتن جي صلي ۾ توهان کي کوڙ ساريون دعائون ڏيان ٿو الله سائين توهان سڀني دوستن کي سدائين آباد رکي شاد رکي . سنڌي سدائين گڏ.​

 

ادا نثار، سهڻي سنڌ جي اوطاقن ۾ جڏهن ڪي ٻه چار ڳوٺاڻا گڏ ٿي ويهندا آهن ته، آيل مهمان کي چوندا آهن ته حال احوال ڏي، ڪيئين ڏينهن گذريا،

توهان جي انداز مان لڳي ٿو ته توهان وڏا ڪي مهمان نواز ۽ دل خوش ماڻهو، آهيو، شاعري ته بعد جي ڳالهه آهي، ادا، توهان جو تعارف پڙهي ۽ توهان جي باري ۾ ڪجهه ڄاڻي ڏاڍي خوشي ٿي۔

 

ادا نثار ناز توهان کي سنڌ سلامت ڊاٽ ڪام تي ڀليڪار چئون ٿا۔

 

پيارا عبدالوهاب قمبراڻي مهرباني جو توهان کي مُنهنجو تعارف وڻيو، پر مٺا صرف مان ئي نه پر پوري پرڪرتيءَ جو هرڪو سنڌي سپوت، دنيا جو وڏي ۾ وڏو مهمان نواز آهي،۽ دل خوش ماڻهو آهي، ڌڻي در دُعا آهي ته شال هيءَ سنڌ ڌرتي پنهنجي اصل وارثن سميت سدا سلامت رهي، ازل کان ابد تائين آباد رهي(آمين)

 

ادا مگسي جُڙيو هُجين شال، مهرباني مٺا جو توهان مونکي ڀليڪار چئي​

 

آمين ثم آمين، ادا موليٰ توهان کي مدني جي روضي جو ديدار ڪرائي آمين

 

جواب: مان آهيان نثارناز

سائين نثار ناز مُنهنجي لاءِ تمام گهڻي عزت جي لائق آهي ، مان سائين کي هُجت ۽ پيار مان بابل سائين جو لقب ڏنو آهي ، سائين به هن ڪروڌي ۽ گند ڀريل سماج کي صاف سٿرو ڏسڻ چاهي ٿو بلڪل هڪ تبديلي جي سوچ رکڻ وارن ماڻهن ۾ هڪ انمول موتي داڻو آهي........!

 

جواب: مان آهيان نثارناز

اسلامُ اعليڪم!
سڀ کان پهرين آئون محترم جناب نثار ناز کي رات راڄو نظاماڻي ۾ سيوا اوطاق ڪچهري ۾ شريڪ ٿيڻ لاءِ شڪريو ادا ڪندس ۽ اسان کي هن سنده سلامت جهڙي بهترين ويب سائيٽ جي باري ۾ آگاه ڪيو۔ سائين اوهان جي وڏي وڏي مهرباني۔ شل سدائين خوش هجو آباد هجو!

 

ادا نثار ناز توهان کي سنڌ سلامت ڊاٽ ڪام تي ڀليڪار چئون ٿا۔