سليمان وساڻ کي سلام

سنڌ سلامت جا دوستو!

اڄ آءُ دل جي گهراين سان سنڌ سلامت جي دوست، ۽ دوستن جي دوست، سنڌ ۽ سنڌيت لئه پاڻ پتوڙيندڙ دوست محترم سليمان وساڻ کي سنڌ سلامت جي اوطاق جي ” مينيجنگ ايڊيٽر “ ٿيڻ تي لک لک واڌايون ڏيانٿو ۔۔۔ ۽ اميد ڪريانٿو ته هي دوست پنهنجن ڪلهن تي پيل هن بار کي احسن طريقي سان نڀائيندو ۽ سنڌ سلامت جي اوطاق جي لاهن چاڙهن ۾ ساٿ نڀائيندو ۽ هن اوطاق جي سنڌ سلامت ساٿ سلامت واري نعري کي پنهنجي عقل ۽ فهم جا رنگ چاڙهي اسان سڀني دوستن کي هڪ ڌاڳي ۾ پائي ڇڏيندو ۔۔۔=d>

ڪيتري عرصي کان آءُ دوست عبدالرشيد سان ان ڳالهه تي بحث ڪندو هيس ته سنڌ سلامت جي مالي ۽ مئنيجنگ معاملن سنڀالڻ لئه ڪو قدم کنيو وڃي، مونکي اهو سمجهه ۾ نه ايندو هو ته ڪهڙو ۽ ڪيئن قدم کنيو وڃي پر دوست سليمان وساڻ ان معاملي کي تمام سهڻي انداز سان نه فقط نڀايو آهي بلڪ سنڌ سلامت جي اڱڻ کي اڳ کان اڳري ڪرڻ خاطر پنهنجا سڀ وسيلا ۽ صلاحيتون استعمال ڪري رهيو آهي ۔۔۔>-

سنڌ سلامت سان اهو قرب ادي سليمان وساڻ جو صرف ۽ صرف سنڌي ٻولي ۽ سنڌيت سان عشق جي حد تائين پيار ڪرڻ سبب آهي، مونکي ذاتي طور اها خبر آهي ته اسانجو هي دوست ڪنهن به عهدي يا ڪنهن به حيثيت کان مٿاهون آهي ۔۔۔@};-

ماڻهون سڀ نه سهڻا، پکي سڀ نه هنج ۔۔۔ سليمان وساڻ هڪ سهڻو سنڌي انسان آهي، رب العالمين کيس ڪوسو واءُ نه لڳائي ۽ سندس من جون سڀ نيڪ خواهشون پوريون ڪري ۔[-o<۔۔ آمين

 

محترم دوست محمد سليمان وساڻ کي دل جي گهرائين سان دِلي مُبارڪون

سنڌ سلامت جا ساٿيو السلام عليڪم جيئي سنڌ
اڄ هڪڙي خوبصورت ۽ دل کي ڇهندڙ ڳالهه اها نظر آئي ته اسان جي انتهائي محنتي محبوب سائين محمد سليمان وساڻ کي سنڌ سلامت لاءِ انتهائي اڻ ٿڪ محنتن عيوض خوبصورت ڪلر ڏنو ويو آهي، دوستو اهو خوبصورت ڪلر مينجينگ ايڊيٽر وارو آهي، ادا محمد سليمان وساڻ لاءِ هڪڙو شاهه سائين جو خوبصورت بيت جيڪو سُر راڻي مان آهي لکان ٿو ته

تون ڍاٽي ڍٽ ڌڻي ڍولا، ! تنهنجو ڍَٽُ،
پائي تُراڙي توريان، ته مُلڪ نه تُنهنجو مَٽِ،
لاهي ڪسر ڪَٽُ، اَچي کوڙ قناتُون ڪاڪِ ۾ (شاهه)​

دوستو توهان سڀ هن سنڌ سلامت جي سُهڻي گُلدستي جا خوبصورت گُل آهيو، ۽ محبوب سائين محمد سليمان وساڻ ته پنهنجي هُٻڪار جيان، سُرهاڻ جيان گُلاب جي گُل جي خوشبوجيان العرض سنڌ جي تازن سمورن گُلن جي خوشبو جيان سنڌ سلامت جي اڱڻ تي ڇائنجي ويو، ايتري ته کوڙ ساري محنت ڪيائين ته جو سنڌ سلامت جي انتظاميه کيس مينجينگ وارو اعزازي عهدو ڏنو، دوست هن جاکوڙي دوست کي منهنجي پاران دل جي گهرائين سان مُبارڪون ۽ دُعائون، شال هِي اسان جو دل گهريو دوست سدائين نت نوان پيار ماڻي ۽ سنڌ سلامت لاءِ پاڻ پتوڙي۔ شال ڪو ڏکيو ڏينهن نه ڏسي، پنهنجي پيارن سان سدائين آباد هجي۔ آمين دوست هاڻي توهان دوستن جي واري آهي اسان جي هن دوست کي ايتريون ته دل کولي کوڙ ساريون مُبارڪون ڏيو جو فضائن ۾ صرف مُبارڪون مُبارڪون جو مٺو آواز هُجي۔

رهي اچجي راتڙي تن واڍوڙين وٽان
جن کي سُور سرير ۾ گهٽ منجهاران گهاءَ
لڪائي لوڪان، پاڻهين ٻَڌَنِ پٽيون (شاهه)​

 

جواب: سليمان وساڻ کي سلام

مٺا نثار معاف ڪجان لڳي ٿو سليمان وساڻ کي واڌايون ڏيندڙ ٻنهي نثارن جي لکڻين جو هڪڙو ئي ٽائم هو، مون سمجهيو پي ته اهي واڌايون ڏئي پنهنجو کوڙ سارو پيار سليمان وساڻ تان نڇاور ڪريان پر تون مون کان گوءِ کڻي وين ، تنهنجون واڌايون ۽ خوبصورت ترين مُبارڪون منهنجي ٿريڊ کان پهرين سنڌ سلامت جي اڱڻ جي سُونهن ٿِي وئي۔ مان به دوست سليمان کي هڪ ڀيرو ٻيهر انتهائي پيار مان اُتساهه مان واڌايون ڏئي ٿو ڇڏيان ادا محمد سليمان وساڻ توکي کوڙ ساريون

مُبارڪون​

 

جواب: سليمان وساڻ کي سلام

پيارا ناز! هئا اڳهين گڏ، ٻڌڻ ۾ ٻه ٿيا ۔۔۔ اوهانجي اندر ۽ منهنجي اندر جو آواز ته هڪ ئي آهي پر انهن جي گونج ۾ ڪئي آواز آهن ۔۔۔ خئير آهي ” وڌي واڙي لڳي ڀاڳ“ ۔۔۔ دوست سليمان کي واڌايون قبول پون ۔۔۔<

 

جواب: سليمان وساڻ کي سلام

سائين، مون مولائي جي جهولي ۾ به سوا دعائن جي ڪجهه ڪونهي، ڇوجو اڄ ڪالهه ديوالي جون موڪلون لڳيون پيون آهن، ڌنڌي ۾ مزو رهيو ڪونهي، سوچيان پيو پاڻ وارو پيٽي وارو ڪمپيوٽر وڪڻي، وڏي فقير کي ڀتو پهچايان، الله خيئر ڪندو، مولا ڪندو رهجي ايندي، شايد ديوالي واري ڏينهن تي مٺاين جي پيٽين سان گڏ نوٽن جا کوکا به ڀرجي ملن۔ باقي ته ادا وڏي سورن ۾ آهيان، جي لکڻ ويٺس ته ادو وڏو چوندو، ابا مولائي فقير هڪ ڏينهن ۾ ايترو لکندو ڪر جيترو اسان پڙهي سگهون، تُنهنجين انهن لکڻين کي پڙهڻ جي لا‌ هوٽل مان ڪجهه ڏينهن موڪل وٺڻي پوندي۔۔۔ پر ادا وڏا مان ان تائين ڳالهه کي پهچڻ ئي ڪونه ڏيندس، اصلي هاڻي ته اکين مان ڳوڙهن جو قطارون وهڻ‌ شروع ٿيون آهن، جنهن ڏينهن کان آ ايم ايف کان قرض ورتو اٿم، اصلي حال هيڻا لڳا پيا آهن۔۔۔ هاڻي توهان سوچيندا ته مولائي لڳي ٿو نشي ۾ آهي، يا وڌيڪ پي آيو آهي يا وري ڇاڻي ڪري نه پي آيو آهي، يا وري اصلي صفا پي ئي نه آيو آهي،
بس سائين هاڻي ان ڳالهه کي اتي ئي پورو ٿو ڪريون ۽ پنهنجي پياري دوست سائين سليمان وساڻ صاحب کي مئنيجنگ ايڊيٽر ٿيڻ‌ تي دل جي گهراين سان ڪروڙ ڪروڙ مبارڪون ٿا ڏيون

 

جواب: سليمان وساڻ کي سلام

ادا اسان جي طرف کان به توهان کي مبارڪ هجي....

 

جواب: سليمان وساڻ کي سلام

دعا ۾ ياد​

 

جواب: سليمان وساڻ کي سلام

ادا سليمان وساڻ توهان کي اسان جي طرفان به لک لک واڌايون هجن.

 

جواب: سليمان وساڻ کي سلام

ادا سليمان وساڻ توهان کي اسان جي طرفان به لک لک مبارڪون هجن۔

 

جواب: سليمان وساڻ کي سلام

ادا سليمان وساڻ صاحب

سڀ کان پهريائين ته توهان کي سنڌ سلامت فورم جو ميننيجنگ ايڊيٽر ٿيڻ تي مبارڪ باد هجي
هن فقير طرفان توهان کي هڪ دفعو ٻيهر مبارڪ باد هجي
اصل ۾ توهان جي محنت ئي سڄو ڪم ڪيو آهي سنڌ سلامت فورم تي توهان جي محنت واضع آهي ٻيو وري توهان جي اشتهارن جي حوالي سان جاکوڙ پڻ ساراهڻ جوڳئي آهي توهان جي محنت ئي توهان کي هن مقام تي پهچايو آهي سو مان کي اميد آهي ته توهان فورم تي اهڙي محنت جاري رکندو

سدائين گڏ

 

جواب: سليمان وساڻ کي سلام

سائين سليمان وساڻ‌کي مينيجنگ ايڊيٽر ٿيڻ تي دل جي گهرائيءَ سان مبارڪون​

سچ ۾ ســـــــــــــنـــڌ ســـــــــلامــــــــت جي اڱڻ جا اهي ٿورا ڪڏهن ڪونه لاهي سگهبا جو اتي اچي اسان کي سنڌ جي قابل، محنتي ۽ هڏ ڏوکي فرزندن سان ملڻ جو، ڳالهائڻ جو ۽ ڏک سور ونڊڻ جو موقعو مليو آهي، سنڌ سلامت جي اڱڻ تي رهي ڪري اسان جيڪي ڳالهيون سکيون آهن، اهي پهرين سکڻ لاءِ سڪندا هئاسين. جيڪي ساٿ اسان کي مليا آهن، اهي ان کان پهرين ڪڏهن نه ڏسڻ لاءِ مليا نه وري ٻڌڻ لاءِ مليا.
اونئن ته سنڌ سلامت جا سڀ دوست موتيءَ داڻا آهن پر هتي جن دوستن کي اسان سنڌ ۽ سنڌيت لاءِ پاڻ پتوڙيندي ڏٺو آهي، انهن ۾ سائين سليمان وساڻ به ڪنهن تعارف جو محتاج نه آهي، اردو ۾ هڪ محاورو آهي جنهن جو مقصد آهي ته ” هو آيو ۽ ڇانئجي ويو“ ته اها ساڳي ڳالهه سائين سليمان وساڻ جي متعلق اسان چئي سگهون ٿا، ٿورو عرصي ۾ سنڌ سلامت تي سائين جن پنهنجي محنت ۽ قابليت سان جيڪو مقام ٺاهيو اٿن اهو ڪنهن کان به لڪيل نه آهي. پنهنجي بهترين ڊزائين ۾ سنڌ جي مهان شاعرن جي شاعري کي اسان سان ونڊ ڪندڙ هن شخصيت جي محنتي، سنڌ دوست هجڻ جو ثبوت سندن اهي خوبصورت ڊزائينون آهن، جيڪي پنهنجي اندر خوبصورتيءَ ۾ سندن جذبات جي ترجماني ڪن ٿيون ۽ ڳالهائيندي محسوس ٿين ٿيون.
اهي ته سندن وڏا وڙ آهن جو هو پاڻ کي سنڌ سلامت جو جونيئر ميمبر سڏين ٿا، پر اها مست سميت سڀني کي خبر آهي ته سائين سليمان وساڻ جي شخصيت سنڌ سلامت جو اَڻ مٽ حصو آهي، سائين سليمان وساڻ جهڙي طرح فيس بوڪ جي سنڌي ڪميونٽي ۾ مشهور ۽ مقبول آهن، اهڙي طرح سنڌ سلامت جي اندر به هاڻ سندن نرالو مقام آهي، سائين رشيد سمون، نثار ابڙو، نثار ناز ۽ ٻين چند دوستن انٽرنيٽ تي سنڌ سلامت جو جيڪو سفر سنڌيت جي چاهه ۾ شروع ڪيو هو، ان سفر ۾ سائين سليمان وساڻ جهڙا دوست ملن ٿا ته حوصلو ٻيڻو نه بلڪه چوڻو ٿي وڃي ٿو. سنڌ سلامت لاءِ سندن محنت سڀني جي آڏو آهي، سنڌ سلامت کي جڏهن مال معاملن جي ڏکيائن بعد اشتهارن جي لڳائڻ جي ضرورت پئي ته ان معاملي ۾ اشتهارن جي حصول ۽ مارڪيٽنگ جي لاءِ سائين سليمان وساڻ انتهائي اهم ڪردار ادا ڪري رهيو آهي. جنهن ڪري انتظاميه جي طرفان متفق طور تي سندن کي سنڌ سلامت جو مينيجنگ ايڊيٽر بڻايو ويو آهي. يعني هاڻ پاڻ ان شعبي ۾ سنڌ سلامت جا ترجمان آهن. مينيجنگ ايڊيٽر جو عهدو سندن لاءِ اعزاز سان گڏ ذميواري به آهي، جنهن کي هو سنڌ سلامت جي مفاد ۾ بهترين نموني نڀائين پيا ۽ انشاءَ الله نڀائيندا.
مست طرفان هڪ ڀيرو ٻيهر سائين سليمان وساڻ کي دل جي گهراين سان مبارڪون۔۔۔۔۔​

 

جواب: محترم دوست محمد سليمان وساڻ کي دل جي گهرائين سان دِلي مُبارڪون

سائين سليمان وساڻ کي سنڌ سلامت جو مينيجنگ ايڊيٽر چونڊجڻ تي مون مسڪين مست جي طرفان به دل جي گهراين سان کوڙ ساريون مبارڪون هجن۔۔۔​

 

جواب: سليمان وساڻ کي سلام

پيارا سٻ کان پهريائين توهان کي لک لک مبارڪون هجن۔۔۔۔ دوست سنڌ ء سنڌي ٻوليء جي خدمت اسان سٻني
جو فرض آهي۔۔۔۔۔توهان جهڙن دوستن جو جذبو ڏسي اسانکي به همت ملندي۔۔۔۔
ادا عبدالرشيد جيڪو هي ميلو مچايو آهي ان کي قائم ء دائم رکڻ لاء جيڪا ذميواري تواهانجي مٿان رکي وئي
آهي هن وقت انجي اشد ضرورت هئي۔۔۔۔
اميد ته توهان انکي جئين نڀائي رهيا آهيو هميشه ساث سلامت رهندو۔

توهان لاء استاد بخاريء جو هي شعر عرض ڪريان ٿو۔۔۔۔

[/IMG]​