سليمان وساڻ کي سلام

جواب: سليمان وساڻ کي سلام

پيارا اسد خير مبارڪ

اوهان جيڪو ڪجه منهنجي لاء لکيو آهي سچ پڇين ته اهو صرف منهنجي محبت ۽ خلوص ۾ لکيو اٿئي۔ نه ته ڪٿي مان ۽ ڪٿي هيتريون ساريون تعريفون ۔ اوهان جهڙا دوست جن سنڌ سلامت جي هن محبتي اڱڻ کي نه صرف آباد رکيو آهي پر هر وقت اسان جهڙن اڻڄاڻن جي مدد به ڪئي آهي اصل تعريف جا حقدار اوهين آهيو۔

اهوسنڌ سلامت ۽ اوهان دوستن جو خلوص ۽ سنڌ سان محبت ئي هئي جنهن مونکي ڇڪي اوهان سان ملايو۔ مان ۽ سنڌ سلامت جا دوست هڪ ئي آهيون۔ مان سنڌ سلامت ۽ سنڌ کانسواء ڪجه ناهيان

تو پنهنجا سيڻ نه بدليا ها،
مون تنهنجا سُرَ سڃاتا ها:
جي تنهنجي من ۾ تڙپيا ها،
مون گيت اُهي ئي ڳاتا ها​

اوهان سميت سڀ دوست سنڌ لاء تڙپو ٿا، سنڌ جي ڳاله ڳائيندا ٿا رهو۔ مان به اهوئي گيت اهي ئي سُر اهوئي ڳالهيون پيو آلاپيان۔

مون هن ذميواري کي پنهنجو سمجهي قبول ڪيو آهي ۽ انشاءالله دوستن کي ڪٿي به مايوس نه ڪبو۔ پر تاڙي هڪ هٿ سان نه وڄندي اوهان جو ساث هوندو ته منزل کي رسنداسين۔

اوهان جا لک ٿورا جو منهنجي لاء دل ۾ هيڏي محبت ۽ عزت ٿا رکو۔ سنڌ سلامت ساٿ سلامت

 

جواب: سليمان وساڻ کي سلام

ادا عرس پريا توهان جا لک قرب جو منهنجي لاء هيڏي عزت ۽ سڪ ٿا رکو۔

واقعي ادا رشيد جي مهرباني آهي جنهن اسان سڀني محبتي ماڻهن کي ميڙي گڏ ڪيو آهي جيئن هڪ مالهي گلن کي گڏ ڪري هڪ مالها ۾ پوئي رکندو آهي۔

محبتي ميڙي ڳوٺ ٻڌجي هڪڙو
انهيءَ جي ويڙهي پاڻهي ايندو بادشاه

دوستن جيڪا ذميواري رکي آهي۔ انشاءالله ان تي پورو لهنداسين۔ اوهان دوستن جو ساٿ کپي باقي الله پاڪ مدد ڪندو۔

مان اوهان پاران ارپيل استاد بخاري جي شعر جي جواب م استاد جو ئي شعر چوندس ته :

اغيار سان اقرار اهو ڪيئن ٿيندو
۽ يار سان انڪار اهو ڪيئن ٿيندو
استاد بخاري کي کڻي دفن ڪيو
ڌرتي کان مگر ڌار، اهو ڪيئن ٿيندو