سلام ڀينرن کي هي پنهنجي نياڻين جا فوٽو پنهنجي ڀينرن خاطر موڪلي رهيو آهيان ... هنن فوٽن ۾ سنڌي ثقافت جا ڪجه اهڃاڻ آهن ... سنڌي فيشن به نظر ايندو اوهانکي ... کين دعا ڪجو ته هو سنڌ لاءِ ڪجه ڪري سگهن ... سدائين گڏ
سائين محترم نثار ابڙو صاحب پهريان ايترو چوندس ته الله عزوجل اوهان جي نياڻين کي بد نظر کان بچائي... آمين ڇو جو سائين پنهنجي سنڌ ڌرتي جي هي اهي، امڙيون، نياڻيون، ڀينرون آهن جن سان سنڌ جون ڪافي اميدون وابسطه آهن، بقول اوهان جي ته کين دعا ڪجو ته هو سنڌ جي لاءِ ڪجهه ڪري سگهن.... جنهن جي گهر ۾ سنڌي ثقافت موجود آهي ۽ اهي هڪ اديب گهراڻي سان تعلق رکن ٿيون ته پوءِ ڇو نه اهي هن پنهنجي سنڌ جون رهنما بڻيبيون... الله سائين اوهان جي نياڻين کي، اسان جي ڀينرن امڙين کي سدا سلامت خوش ۽ آباد رکين... الله رسول پنجتن اصحابن ۽ ولين جي حب سان گڏ پنهنجي سنڌ جي حب ساٿ سلامت رکين.... پنهنجي سنڌ ڌرتي جون اهڙيون ڄايون اصل انهي پنهنجي ٽپيڪل سنڌي اسٽائيل ۾ ڏسي ڪري دل مان اهو آواز نڪتو منهنجا رب ڪريم منهنجي هن سهڻي سنڌ کي هنن سهڻن سنڌين سان شال آباد رک آمين... سائين مون ناچيز کي وڌ لکڻ نه ٿو اچي مون وٽ اهڙا لفظ ناهن جو اوهان اهڙي تحرير ۾ لکي سگهان پر جيڪو لکيو آهي، انهي ۾ ڪا غلطي هجي ته ضرور درست ڪري ٻڌائيندا.... الله اوهان کي آباد رکي آمين.......
ماشاء الله ننڍڙين کي الله تعالي نظرِ بد کان بچائي... ادا نثار جنهن جا والدين سنڌي ادب سان چاهه رکندڙ ۽ حصو هجن انهن جي اولاد يقينن ساڳي نقشي تي هلندي... اسان جون دعائون ننڍڙين سان گڏ آهن .... پنهنجي سنڌي ثقافت جي خوبصورت جهلڪ فوٽن مان صاف ظاهر آهي... ادا نثار ڪنهن خاص موقعي تي نڪتل تصويرون پيو لڳن...
واه سائين واه تمام بهترين سنڌي ثقافت متعارف ڪرائڻ لا اوهان جا لک ٿورا ادا سائين منهنجي دعا آهي ته الله رب العزت ادڙين کي نظر بد کان بچائي ۽ سائين اوهان کي اولاد ته الاء ڪيترو آهي پر نياڻين جي باري ۾ پڙهيو هيم ته جنهن شخص 3 نياڻن کي پاليو ۽ انهن جي سٺي پرورش ڪئي ته ان تي جنت واجب ٿي ويندي آهي الله تعالي اوهان کي جنت نصيب ڪري بلڪه اوهان ته جيئري ئي جنت ۾ آهيو جو اهڙي مقدس جڳه تي رهي رهيا آهيو
ادا نثار ابڙا جُڙيو هُجين شل۔ مونکي افسوس آهي جو مان توهانجي ننڍڙين سنڌياڻي نياڻين جو استقبال ڪري نه سگهيس، سنڌي سڀيتا ۽ سنڌي لباس پهريل تصويري صورت ۾ توهان جي نياڻين کي ڏسي اکين مان خوشيءَ جا ڳوڙها وهي پيا، ته اسان جا سنڌي ڀائر پنهنجي سنڌي تهذيب جي لاڄ رکندا اچن ۽ سنڌي ثقافت کي دل ۾ سانڊيو اچن۔ الله سائين ادا نثار سدائين توهان کي اها سوڀ ڏي جو جيجل سنڌ ڌرتي جي شان مان ۾ ائين ئي محبتن سان چاهتن سان واڌارو آڻيندا رهو۔ انهن نياڻين جو مون مٿان هڪ قرض رهيو ڇو جو سنڌي وڏڙن جو اهو وڙ رهيو آهي ، جو جيڪا به سنڌي نياڻي ڪنهن اڱڻ تي ايندي آهي ته کيس مٿي تي هٿ رکي ڪجهه نه ڪجهه ڏبو آهي، جيئن ته فورم ۾ عمر جي حساب سان سڀ کان وڏو مان آهيان ۔ڏيڻ جي حساب سان توهان جي نياڻين کي کوڙ ساريون دُعائون ڪري ٿو ڇڏيان باقي، ذاتي طور جڏهن به اهي نياڻيون توهان جي وساطت سان ڪڏهن به مونسان مليون ته سندن خرچي مون وٽ امانت رهي۔ بس ادا نثار جڏهن به توهان سنڌ وطن واپس ورو ته انهن نياڻين سان مونکي ضرور ملائجو۔ ادا نثار دير سان جواب ڏيڻ جي معذرت ٿو وٺان۔ مُنهنجي حالات جي توکي سموري ڄاڻ آهي۔ الله سائين توکي ۽ تُنهنجي سمورن پيارن کي هميشهه خوشيون عطا ڪري آمين
جيئن ته هي تصويرون خاص مون ڀينرن کي ارپيون هيون ۽ فورم تي في الحال هڪ ئي ڀيڻ نظر پئي اچي ... ادي ساره ڀيڻ ساره، لک لائق ۽ مهربانيون جو اوهانکي منهنجون نينگريون پسند آيون، مون اها پوسٽنگ سندن سنڌي لباس ۽ سنڌي ثقافتي رنگ کي هن فورم تي ۽ خاص ڀينرن کي ڏيکارڻ ٿي گهري ... ادي نور، کي به ذرا ظاهر ڪندا ته وئي ڪٿي ۽ ها ادي نثار ناز ڪنهن ٻي ڀيڻ ڪنول جو نالو لکيو هو، اها ادي ته مونکي ڪڏهن ڪٿي نظر ڪونه ائي آهي !!! اوهان پنهنجين سهيلن کي جي انٽرنيٽ تي اينديون هجن کين سنڌ سلامت گهمڻ جي دعوت ضرور ڏيندا ... الله اوهانکي پنهنجي امان ۾ رکي ...
ادا نثار ناز حق موجود؛ مون واري ان حق موجود تي ڪالهه هڪ اي ميل آئي ته حق ڪٿي موجود آهي؟ ظلم ئي ظلم آهي ... ادا سائين حق جو ته چوڻ آهي ته نه کيس ننڊ ايندي آهي ۽ نه کيس ننڊ جو ڪو جهوٽو پوءِ سائين شمشير چواڻي هي ناحق ڇو موجود؟ ادا ناز؛ اوهانجا لک ٿورا جو همٿائيندا رهو ٿا ... ڀائڙا اوهانکي منهنجيون نينگريون سٺيون لڳيون ۽ سندن ثقافتي رنگ پڻ ... منهنجو مقصد به اهو ئي هو ته سرتين جو ڪالم خالي آهي ته ڇونه ان جو فائدو وٺجي ۽ سنڌي لباس جي ڪجه تعريف به ٿي وڃي ... سنڌ سلامت جي سڀني دوستن جون مهربانيون ... خاص ادي رشيد جون جنهن پڻ انکي ساراهايو ... ٻين سڀني دوستن جن دعائون ۽ خئير برڪت جون تمنائون، منهنجي نياڻين لاءِ ڪيون آهن، الله کين جي اولاد کي به سکيو ستابو ۽ ايمان جي دولت سان ٽمٽار رکي ... سائين ناز! ڇونه، جڏهن اچبو ته ميلو به ٿيندو ۽ اوهان کان خرچي به وٺبي ... ادا سائين اوهان واري خرچيءَ تي مونکي هڪ واقعو ياد اچي ويو آهي، ڇونه اوهان سان ونڊ ڪجي ... ادا هڪ ڏينهن (ڪجهه سال اڳ) منهنجي ننڍڙي نياڻيءَ مونکا سوال ڪيو هو ته؛ بابا، اوهين هر هر سعودي ڇو ٿا وڃو؟ مون وراڻيو؛ بابا پئسه ڪمائڻ .. نياڻيءَ سوال ڪيو، ڇو سنڌ ۾ پئسا ناهن ڇا؟ مون جواب ڏنو، بابا پئسا ته آهن پر الائجي ڇو پنهنجي نصيب ۾ ناهن؟ نياڻيءَ وڏي معصوميت سان چيو، بابا اوهان نه وڃو، مونکي جيڪا خرچي ملندي سا سموري اوهانکي ڏيندس ... پوءِ ته اوهان نه ويندا نه ... موٽ ۾ مون، پنهنجي اکڙين مان ڳوڙها اگهي، کيس پيار جو هٿ مٿي تي ڦيرايو هو ... الله اسان سڀني لاءِ سنڌ ۾ رزق حلال جا دروازا کولي ته جيئن ڪو مون جيئان ان مامري ۾ نه پوي ... آمين سدائين گڏ
مٺا نثار ابڙا اندر جهڄِي پيو خاص ڪري توهان واري آخري ڳالهه پڙهي۔نياڻيون ويچاريون کين ڪهڙي خبر ته ۔۔۔۔۔۔۔۔۔۔۔۔۔۔ سندن ابو صرف ۽ صرف۔۔۔۔۔۔۔۔۔۔۔۔ سندن ۔۔۔۔۔۔۔۔ خوشيون۔۔۔۔۔۔۔۔۔۔۔ ۽ خوشين جِي حاصلات لاءِ۔۔۔۔۔۔۔۔۔۔۔۔۔۔۔۔ سنڌ وطن کان ڏور۔۔۔۔۔۔۔۔۔۔ صفا ڏور۔۔۔۔۔۔۔۔۔۔۔۔۔۔۔ جدوجهد جا نوان دڳ ، نوان ماڳ۔۔۔۔۔۔۔۔ ڳولي رهيو آهي۔۔۔۔۔۔ الا۔۔۔۔۔۔۔۔۔۔۔ ۔۔۔۔۔۔ سنڌ جي وسيلن تي ڪا اهڙي مهر وسي جو هر ڪو سنڌي پنهنجي مان ۽ شان سان پنهنجو ۽ پنهنجي ٻچڙن جو پيٽ رزق حلال سان ڀري سگهي۔۔۔۔۔۔۔ اي الله سائين ۔۔۔۔۔۔۔۔۔۔۔۔ ڪو سنڌ مٿان ٻاجهه جو مينهن وسائي۔۔۔۔۔۔۔۔۔ جو سڀني سنگهارن مٿان سُک ٿيئي۔۔۔۔۔۔۔۔۔۔۔۔۔۔۔
لائيٽ به گهت آ ڪمپيوٽر به ادا عامر گهڻو ٿو هلائي باقي انهن مان هڪ بلڪل منهنجي ننڏي ڀين گڏي جهڙي آ ڏاڌيون سٺيون آهن۔منهنجو بابا به ائين ئي چئي ويو هو
